قازاقستان رەسپۋبليكاسىنىڭ ءال-فارابي اتىنداعى عىلىم مەن تەحنيكا سالاسىنداعى مەملەكەتتىك سىيلىعىن تاعايىنداۋ جونىندەگى كوميسسيانىڭ الدىن الا ىرىكتەۋىنەن وتكەن «ۇلتتىق عىلىمي مەديتسينالىق ورتالىق» اق عالىمدارىنىڭ «كلينيكالىق مەديتسينادا يننوۆاتسيالىق جاسۋشالىق تەحنولوگيالاردى ازىرلەۋ جانە ەنگىزۋ» اتتى جۇمىسى ماراپاتقا لايىقتى.
سەبەبى مامانداردىڭ قول جەتكىزگەن عىلىمي ناتيجەلەرى مەديتسينانىڭ وسى سالاسى بويىنشا ءساتتى جۇزەگە اسىرىلىپ, عىلىمي-تەحنيكالىق باعدارلامالار نەگىزىندە ەكسپەريمەنتتىك جانە كلينيكالىق زەرتتەۋلەر ارقىلى ءارتۇرلى اۋىر پاتولوگيالارى بار ناۋقاستارعا جوعارى تەحنولوگيالىق مەديتسينالىق كومەك كورسەتۋگە مۇمكىندىك بەردى.
ءبىزدىڭ ەلدە 2002 جىلدان باستاپ العاش رەت جاسۋشالىق يننوۆاتسيالىق تەحنولوگيالار مەديتسينا عىلىمدارىنىڭ دوكتورى ا.ق.بايگەنجيننىڭ جەتەكشىلىگىمەن ۇلتتىق عىلىمي مەديتسينالىق ورتالىعىنىڭ قابىرعاسىندا دامي باستادى.
جۇرەك-قان تامىرلارى پاتولوگياسىن, قانت ديابەتىن, اۋتويممۋندى اۋرۋلاردى جانە باسقالاردى ەمدەۋدىڭ جاڭا ءتيىمدى جاسۋشالىق تەحنولوگيالارىن قۇرۋ, مەنىڭ ويىمشا, «ۇعمو» اق قىزمەتكەرلەرىنىڭ تاماشا جەتىستىگى بولىپ تابىلادى جانە بۇل قازاقستاندىق مەديتسينالىق عىلىم مەن پراكتيكانىڭ دامۋىن جاڭا دەڭگەيگە شىعارادى. ۇلت دەنساۋلىعىن ساقتاۋ مەن نىعايتۋعا ۇلەس قوسۋ جايلى مەملەكەت باسشىسى ق.ك.توقاەۆ ءوزىنىڭ قازاقستان حالقىنا جولداۋىندا دا اتاپ ءوتتى.
ورتالىقتىڭ زەرتتەۋ توبى العاش رەت زاماناۋي مەديتسينانىڭ ماسەلەلەرىن شەشۋ ءۇشىن ءتۇرلى كوزدەردەن جاسۋشا داقىلدارىن الدى.
عالىم جانە دارىگەر رەتىندە ورتالىق پاتولوگياسى بار ناۋقاستاردى ەمدەۋدىڭ جوعارى ءتيىمدى, يننوۆاتسيالىق جاسۋشالىق تەحنولوگيالارىن پراكتيكالىق دەنساۋلىق ساقتاۋعا قوسقان ۇلەسى نەگىزىندە ورتالىقتىڭ عىلىمي-كلينيكالىق قىزمەتىندەگى ناتيجەلەردى جوعارى باعالاعىم كەلەدى.
ءماجيت شايداروۆ,
ۇعا اكادەميگى, مەديتسينا عىلىمدارىنىڭ دوكتورى, پروفەسسور, قازاقستاننىڭ ەڭبەك سىڭىرگەن قايراتكەرى