قاسىم-جومارت توقاەۆقا ءوڭىردىڭ الەۋمەتتىك-ەكونوميكالىق جاعدايى جانە پرەزيدەنتتىڭ قازاقستان حالقىنا جولداۋىن جۇزەگە اسىرۋ بارىسى تۋرالى باياندالدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
مەملەكەت باسشىسى جولداۋدا بەلگىلەنگەن الەۋمەتتىك شارالاردى ورىنداۋدىڭ جانە پاندەميا جاعدايىندا شاعىن جانە ورتا بيزنەستى قولداۋدىڭ ماڭىزدىلىعىن اتاپ ءوتتى.
پرەزيدەنتكە تۇرعىنداردى, اسىرەسە الەۋمەتتىك از قامتىلعاندار ساناتىنداعى ازاماتتاردى «5-10-20» جانە «7-20-25» باعدارلامالارى اياسىندا باسپانامەن قامتۋ جونىندە اقپارات بەرىلدى.
سونىمەن قاتار اۋىل شارۋاشىلىعى سالاسىن دامىتۋ جانە ينۆەستيتسيا تارتۋ ماسەلەلەرى تالقىلاندى. وبلىس اكىمى ىشكى ءتۋريزمدى ودان ارى دامىتۋ, پاندەميا جاعدايىندا وقۋ ۇدەرىسىن ۇيىمداستىرۋ شارالارى تۋرالى ايتتى.
كەزدەسۋ سوڭىندا مەملەكەت باسشىسى وبلىستىڭ بەلگىلەنگەن الەۋمەتتىك-ەكونوميكالىق كورسەتكىشتەرىن قامتاماسىز ەتۋدى تاپسىردى.