پەتروپاۆلدىق پوليتسەيلەر بىرنەشە ۇرلىق جاساعان ادامدى ۇستادى

7 قىركۇيەكتە پەتروپاۆل پوليتسياسىنا قالا تۇرعىنى ونىڭ م. اۋەزوۆ كوشەسىندەگى ءۇيىنىڭ پودەزىنەن قۇنى 45 مىڭ تەڭگە تۇراتىن “Stern Vega” ماركالى ۆەلوسيپەدى ۇرلانعانى تۋرالى جۇگىنگەن. جەدەل-ىزدەستىرۋ ءىس-شاراسى بارىسىندا پەتروپاۆل ق. پب ەكىنشى پوليتسيا ءبولىمىنىڭ قىزمەتكەرلەرى بۇرىن م ۇلىكتىك قىلمىستار جاساعانى ءۇشىن بىرنەشە رەت قىلمىستىق جاۋاپقا تارتىلعان وبلىس ورتالىعىنىڭ 31 جاستاعى تۇرعىنىن, كۇدىكتىنى انىقتادى. ونىڭ ەكى كۇن بۇرىن جاسالعان پاتەر ۇرلىعىنا قاتىسى بار ەكەنى انىقتالدى. سول كۇنى كۇندىز بەرەكە ىقشام اۋدانىنداعى پاتەردىڭ كىرەبەرىسىنەن ۇيالى تەلەفون ۇرلانعان. ابىروي بولعاندا, ءۇيدىڭ پودەزى بەينەباقىلاۋمەن جابدىقتالعان ەكەن, سونىڭ كومەگىمەن كۇدىكتىنىڭ جەكە باسىن انىقتاۋ مۇمكىن بولدى. 8 قىركۇيەكتە ول ۇستالدى. اتالعان فاكتىلەر قر قىلمىستىق كودەكسىنىڭ (ۇرلىق) 188-بابى 3-بولىگى بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە ەنگىزىلدى. قازىرگى ۋاقىتتا قاماققا الۋ تۇرىندەگى بۇلتارتپاۋ شاراسىن تاڭداۋ تۋرالى ماسەلە شەشىلۋدە. ۇرلانعان م ۇلىكتى ىزدەۋ بويىنشا شارا قابىلدانۋدا. بارلىق ماتەريالداردى ەكىنشى پب قىزمەتكەرلەرى تەمىر جول ۆوكزالى اۋماعىنان مىس سىمداردى ۇرلاعانى ءۇشىن كۇدىكتىنى ىزدەگەن پەتروپاۆل ق. جەلىلىك پوليتسيا بولىمىنە تاپسىرادى.

"ەكى جاعدايدا قاسكويلەر قاراۋسىز م ۇلىكتى ولجالاعان. ۆەلوسيپەد, بالالار قول ارباسى, ساموكاتتار ەسىگى ق ۇلىپتالمايتىن, دوموفونى جوق پودەزدە تۇرعان. قۇنى 50 مىڭ تەڭگە تۇراتىن “Redmi Xiaomi” تەلەفونى ۇرلانعان پاتەردىڭ ەسىگى ق ۇلىپتالماعان بولىپ شىقتى. يەلەرى ۇيلەرىندە بولعان, بىراق قىلمىسكەردىڭ قالاي كىرىپ, كوزىنە تۇسكەن زاتىن ۇرلاعانىن بايقاماعان. پودەزدە دوموفون ورناتىلعان, الايدا قىلمىسكەرلەر كوپ جاعدايدا ادامداردىڭ كوڭىل بولمەۋلەرىن پايدالانادى. ولار ەسىكتى بىرەۋ اشقاندا ءوتىپ كەتەدى, كەيدە كەزدەيسوق تاڭدالعان پاتەرگە قوڭىراۋ شالىپ, سول ۇيدەگى پاتەرلەردىڭ بىرىنە كەلدىم دەپ نەمەسە وزدەرىن كوممۋنالدىق قىزمەتتەردىڭ قىزمەتكەرلەرىمىز دەپ تانىستىرۋلارى مۇمكىن. تۇرعىنداردىڭ وزدەرى دوموفوندى “ىڭعايلى بولۋ ءۇشىن” ءوشىرىپ تاستايتىن جاعدايلار بار. قورعانىس قۇرالدارى پايدالانىلمايتىن, بەيتانىس ادامدارعا نازار اۋدارمايتىن جەرلەردە وسىنداي جاعدايلار ورىن الۋى مۇمكىن", – دەيدى ەكىنشى پوليتسيا ءبولىمىنىڭ باستىعى رۋسلان سىزدىقوۆ. 

پوليتسەيلەر ۇرلىقتىڭ الدىن الۋدىڭ ەڭ ءتيىمدى ءتاسىلى – ساقتىق شارالارىن كۇشەيتۋ ەكەندىگىن ايتا كەتتى. بارلىعى جىل باسىنان پەتروپاۆلدا 249 پاتەر ۇرلىعى تىركەلىپ, ونىڭ 233-ءى وندىرىسپەن اياقتالدى.