2020-2021 جىلدارى جىلىتۋ ماۋسىمىنا دايىندىق اياسىندا جەكە تۇرعىن ءۇي سەكتورىندا الدىن-الۋ جۇمىستارى جۇرگىزىلۋدە. بۇل تۋرالى ەلوردا اكىمدىگىنىڭ ءباسپاسوز قىزمەتى حابارلايدى, - دەپ جازادى Egemen.kz
دەپارتامەنت ءورتتىڭ الدىن الۋ شارالارىن جۇرگىزىپ, اۋلالاردى ارالاپ, رەيدتەرگە شىعىپ, ۇگىت-ناسيحات جۇمىستارىن كۇشەيتەدى. ارالاۋ بارىسىندا پەشتەر مەن تۇتىندىكتەردى, ەلەكتر جىلىتقىشتاردىڭ ورناتىلۋىنا باسا ءمان بەرىلەدى. ءۇي يەلەرىنە پەشتەر مەن ءتۇتىن مۇرجالارىن ورناتۋدا اقاۋ بولسا, ونى تۇزەتۋ تۋرالى ۇسىنىستار ايتادى, ورتكە قارسى تاقىرىپتاعى جادىنامالار تاپسىرىلادى. قالا اۋماعى بويىنشا 22 633 جەكە تۇرعىن ءۇي جانە 10 611 ساياجاي ەسەپكە الىنعان.
"بيىل 15 تامىزدا ءورت قاۋىپسىزدىك كەزەڭى باستالعالى الدىن-الۋ جۇمىستارىمەن 4095 جەكە تۇرعىن ءۇي مەن ساياجاي قامتىلىپ, 6699 ادامعا تۇسىندىرمە جۇمىستارى وتكىزىلدى. ۋلى گازدى انىقتايتىن 135 دابىلقاققىش ورناتىلدى. بۇل باعىتتاعى جۇمىستار ءالى دە جالعاسۋدا", دەپ اتاپ ءوتتى دەپارتامەنت وكىلدەرى.
سونىمەن قاتار ماماندار ازاماتتارعا الداعى جىلىتۋ ماۋسىمىندا ءورت قاۋىپسىزدىگىن قامتاماسىز ەتۋ تۋرالى ەسكەرتەدى.
“اقاۋى بار روزەتكالاردى, باسقا دا ەلەكتروتۇراقتىلىق زاتتاردى قولدانباڭىزدار. وت جانىپ تۇرعان پەشتى قاراۋسىز قالدىرماڭىزدار, ءورت قاۋىپسىزدىگى شارتتارىنا سايكەس كەلمەيتىن پەشتەردى قولدانباڭىز, بۇعان سالعىرت قاراۋ قايعىلى جاعدايعا الىپ كەلۋى مۇمكىن”,- دەيدى ماماندار.
ستاتيستيكاعا سايكەس ۇستىمىزدەگى جىلدىڭ وتكەن مەرزىمىندە قالا بويىنشا 362 ءورت بولدى. ولاردىڭ باسىم بولىگى تۇرعىن ءۇي سەكتورىندا بولعان.