جۇمىسپەن قامتۋدىڭ 2020-2021 جىلدارعا ارنالعان جول كارتاسى اياسىندا شامامەن 6,4 مىڭ جوبانى ىسكە اسىرۋ باستالىپ, ولار بويىنشا 165 مىڭ جۇمىس ورنى قۇرىلدى, - دەپ حابارلايدى Egemen.kz ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتىنە سىلتەمە جاساپ.
جۇمىسپەن قامتۋدىڭ جول كارتاسى اياسىندا جەرگىلىكتى اتقارۋشى ورگاندار ىسكە اسىرۋ ءۇشىن 6 762 جوبانى ىرىكتەپ الدى.
جقجك ينفراقۇرىلىمدىق جوبالارىن ىسكە اسىرۋ 4 نەگىزگى باعىت بويىنشا وتەدى:
– الەۋمەتتىك-مادەني نىسانداردى كۇردەلى جانە اعىمداعى جوندەۋ, رەكونسترۋكتسيالاۋ جانە سالۋ (2 729 جوبا);
– تۇرعىن ءۇي-كوممۋنالدىق شارۋاشىلىق نىساندارىن كۇردەلى, ورتاشا جانە اعىمداعى جوندەۋ, رەكونسترۋكتسيالاۋ (1 088 جوبا);
– ينجەنەرلىك-كولىك ينفراقۇرىلىمىن كۇردەلى, ورتاشا جانە اعىمداعى جوندەۋ, رەكونسترۋكتسيالاۋ جانە سالۋ (1 926 جوبا);
– ەلدى مەكەندەردى اباتتاندىرۋ (1 019 جوبا).
جۇمىسپەن قامتۋدىڭ جول كارتاسى ينفراقۇرىلىمدىق جوبالارىن ىسكە اسىرۋ كەزىندە وتاندىق وندىرۋشىلەردىڭ كەمىندە 90% تاۋارلارى مەن قىزمەتتەرىن قولدانۋدى قامتاماسىز ەتۋ ەرەكشە شارت بولىپ تابىلادى. جۇمىسشىلاردىڭ كەمىندە جارتىسىن جۇمىسپەن قامتۋ ورتالىقتارى ارقىلى جالدايدى, باسىمدىق جۇمىسسىز جاستارعا بەرىلەدى. مەردىگەرلەر سانيتارلىق-ەپيدەميولوگيالىق شارالاردى قولدانا وتىرىپ, قاۋىپسىز ەڭبەك جاعدايىن قامتاماسىز ەتۋگە ءتيىس.
7 قىركۇيەكتەگى جاعداي بويىنشا وڭىرلەردە 6,4 مىڭ جوبا بويىنشا جۇمىس باستالدى, 165 مىڭ جۇمىس ورنى قۇرىلدى, ونىڭ ىشىندە حالىقتى جۇمىسپەن قامتۋ ورتالىقتارى ارقىلى 99,3 مىڭ ادام جۇمىسقا ورنالاستى.
بۇعان دەيىن حابارلانعانداي, جقجك اياسىندا بارلىعى 255 مىڭ جۇمىس ورنىن اشۋ جوسپارلانۋدا. بۇل رەتتە جقجك جوبالارى بولاشاقتا 100 مىڭنان استام تۇراقتى جۇمىس ورنىن اشۋعا نەگىز بولادى.