ەلىمىزدە كوروناۆيرۋس جۇقتىرعان 24 ناۋقاس وكپەنى جاساندى جەلدەتۋ اپپاراتىنا قوسىلعان, - دەپ حابارلايدى Egemen.kz دەنساۋلىق ساقتاۋ مينيسترلىگىنىڭ ءباسپاسوز قىزمەتىنە سىلتەمە جاساپ.
"قازاقستاندا كوروناۆيرۋس جۇقتىرعان 5 073 ادام ەم قابىلداپ جاتىر. ولاردىڭ اراسىندا 30 وسكىنشەك بالا بار. ستاتسيونارلاردا 2 863 ناۋقاس جاتىر. 2 210 ادام امبۋلاتوريالىق جاعدايدا ەمدەلۋدە. جالپى ناۋقاستاردىڭ اراسىندا 140 ادامنىڭ جاعدايى ناشار. سونىڭ ىشىندە 18 ناۋقاستىڭ احۋالى اسا قاتتى اۋىر دەپ باعالانۋدا. 24 ناۋقاس وكپەنى جاساندى جەلدەتۋ اپپاراتىنا قوسىلعان", - دەلىنگەن حابارلامادا.