قازىرگى داعدارىس جاعدايىندا مەملەكەت كاسىپورىنداردىڭ قالىپتى جۇمىس ىستەۋىنە مۇمكىندىك جاساۋ ارقىلى كومەكتەسىپ وتىر. جەكە كومپانيالاردى كەشەندى قولداۋ جانە ونى شەكتەۋشى فاكتورلاردىڭ بولماۋى – ەرەكشە ماڭىزدى. قارجىلاندىرۋدىڭ جاناما ادىستەرى وزگەرىستەرگە وڭاي بەيىمدەلۋگە مۇمكىندىك بەرەدى جانە جەكە سەكتوردى سۋبسيديالاۋدىڭ يكەمدى قۇرالى.
وسى ورايدا پرەزيدەنتكە تىكەلەي باعىناتىن باسەكەلەستىكتى قورعاۋ جانە دامىتۋ اگەنتتىگىن قۇرۋ نارىقتا ءادىل باسەكەلەستىكتى قالىپتاستىرۋ جولىنداعى ماڭىزدى قادام. ارالىق وپەراتورلار پروتسەستەردىڭ بيۋروكراتيالانۋىن كۇشەيتەدى جانە ەكونوميكانى مەملەكەت يەلىگىنەن شىعارۋعا كەدەرگى كەلتىرەدى. جەكە كاسىپكەرلىك نارىق ءۇشىن ءادىل كۇرەستە سالالاردى دامىتۋ بويىنشا جاڭا ءتيىمدى يدەيالاردى قالىپتاستىرۋعا ىقپال ەتەدى. ستراتەگيالىق نىسانداردى قوسپاعاندا, ەكونوميكا نارىقتىق جاعدايدا جەمىستى جۇمىس ىستەيدى.
مەملەكەت باسشىسى جاريالاعان ماڭىزدى رەفورمالاردىڭ ءبىرى – حالىققا كاسىپكەرلىك داعدىلارىن ۇيرەتۋ. وقۋشىلار مەن ستۋدەنتتەرگە پراكتيكالىق ءبىلىم بەرۋ جاقىن جانە الىس بولاشاقتا كاسىپكەرلەر سانىنىڭ ارتۋىنا, جەكە سەكتوردىڭ كەڭەيۋىنە ىقپال ەتەدى. بۇل باستاما فيرمالار سانىنىڭ ءوسۋى, ءادىل باسەكەلەستىكتى قالىپتاستىرۋ جانە جۇمىسپەن قامتۋدى قامتاماسىز ەتۋ ءۇشىن پايدالى.
قازىرگى جاعدايدا ۇزاق مەرزىمدى باسىمدىقتار تۋرالى ۇمىتپاۋ كەرەك. ەىدۇ-مەن ىنتىماقتاستىق شەڭبەرىندە ۇكىمەتكە «جاسىل» ەكونوميكانى دامىتۋ شارالارى ۇسىنىلدى. قورشاعان ورتانى قورعاۋ ۇلتتىق دەڭگەيدە قولداۋدى تالاپ ەتەدى. ال ءتيىستى شارالاردى قابىلداۋعا ساياسي ەرىك-جىگەر كەرەك. مەملەكەت باسشىسىنىڭ جولداۋىندا تەرەڭ دەكاربونيزاتسيا, ياعني ەكونوميكاداعى كومىرسۋتەگى ءبولۋدى ازايتۋ قاجەتتىگى ايتىلدى. بيزنەس پەن اكادەميانى تارتۋ وسى ماسەلەنى تەرەڭ جانە كەشەندى زەردەلەۋگە, سونداي-اق ءتۇرلى تاراپتاردىڭ مۇددەلەرىن ەسكەرە وتىرىپ, ەكولوگيالىق قاۋىپسىزدىكتى قامتاماسىز ەتۋ جونىندەگى ءتيىستى ءىس-شارالاردى ازىرلەۋگە ىقپال ەتەدى.
ايتكۇل وماروۆا,
الەۋمەتتىك قىزمەت كورسەتۋ بويىنشا دەربەس ساراپشى