"قۇلاقتان كىرىپ, بويدى الار..." اتتى ءداستۇرلى انشىلەر ونلاين-بايقاۋىندا يسا بايزاقوۆ اتىنداعى پاۆلودار وبلىستىق فيلارمونياسىنىڭ ءداستۇرلى ءانشىسى سليامعالي داۋرەنبەك ونەر كورسەتتى, دەپ حابارلايدى رavlodarnews.kz.
"شقو مادەنيەت, ارحيۆتەر جانە قۇجاتتاما باسقارماسىنىڭ قولداۋىمەن 2020 جىلدىڭ 1 مەن 5 قىركۇيەك كۇندەرى ارالىعىنا ونلاين فورماتتا وتكەن بايقاۋدا نۇر-سۇلتان, الماتى, شىمكەنت, اتىراۋ, جامبىل, قاراعاندى, وقو, شقو جانە سقو وڭىرلەرىنىڭ انشىلەرى باق سىنادى. وسى دودادا جاس ءانشىمىز سليامعالي داۋرەنبەك كوپشىلىكتى ءوز ونەرىمەن ءتانتى ەتىپ, باس جۇلدەنى جەڭىپ الدى. قر مادەنيەت سالاسىنىڭ ۇزدىگى امەنگەلدى قوجانوۆتان ءبىلىم العان", - دەيدى وبلىستىق فيلارمونيانىڭ باس رەداكتورى ساۋلە مۇقاەۆا.
سليامعالي داۋرەنبەك 1996 جىلى پاۆلودار وبلىسى تەرەڭكول اۋدانىنىڭ قىزىلتاڭ اۋىلىندا دۇنيەگە كەلگەن. 2012-2016 جىلى دارىندى بالالارعا ارنالعان مۋزىكالىق كوللەدج, مۋزىكالىق مەكتەپ-ينتەرناتىندا ءداستۇرلى ءان ورىنداۋ ماماندىعى بويىنشا وقىعان. 2014 جىلى وبلىستىق ءداستۇرلى ءان ورىنداۋشىلارى اراسىندا وتكەن بايقاۋدىڭ باس جۇلدەگەرى. 2014 جىلى قاراعاندى وبلىسىندا ءداستۇرلى انشىلەر بايقاۋىندا وتكەن ءى حالىقارالىق "تۇلعا" بايقاۋىندا گران-پري يەگەرى.2016-2020 جىلدارى قۇرمانعازى اتىنداعى قازاق ۇلتتىق كونسەرۆاتورياسىندا ء"داستۇرلى مۋزىكا ونەرى" ماماندىعى بويىنشا ۇستازى قر ەڭبەك سىڭىرگەن قايراتكەرى شۇكىمانوۆ ەركىن تۇرسىنعالي ۇلىنان ءبىلىم العان. 2017 جىلى تۇرسىنعازى راحيموۆ اتىنداعى رەسپۋبليكالىق كونكۋرستىڭ جانە 2019 جىلى ءمادي ءباپي ۇلى اتىنداعى رەسپۋبليكالىق كونكۋرستىڭ لاۋرەاتى.