تۇركىستاندىق كاسىپكەر روزا الداشوۆا مەملەكەتتىك قولداۋدىڭ ارقاسىندا جەكە كاسىبىن اشىپ, ءىسىن دوڭگەلەتىپ وتىر. ول 2016 جىلى «وڭتۇستىك» ايماقتىق ينۆەستيتسيالىق ورتالىعى ارقىلى 7 پايىزبەن 32 705 225 تەڭگە نەسيە الىپ, سول قارجىعا تىگىن تسەحىن ىسكە قوسقان. قازىرگى تاڭدا وندا 20-22 ادام تۇراقتى جۇمىسپەن قامتىلعان. بۇل تۋرالى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ حابارلايدى.
كاسىپ يەسى ونىمگە دەگەن سۇرانىستىڭ جوعارى ەكەنىن, الداعى ۋاقىتتا تسەحتىڭ اۋقىمىن كەڭەيتۋدى جوسپارلاپ وتىرعانىن جەتكىزدى.
«مۇندا جۇمىسكەرلەرگە قاجەتتى بارلىق جاعداي جاسالعان. قىزمەتكەرلەر مەكەمەنىڭ ەسەبىنەن ەكى مەزگىل تاماقتانادى. سونداي-اق, جۇمىسشىلاردى تاسىمالدايتىن ارنايى كولىكپەن قامتاماسىز ەتىلگەن. ايتا كەتەيىن, مۇندا جۇمىس ىستەيتىن ازاماتشالاردىڭ باسىم بولىگى ءى,ءىى,ءىىى توپ مۇگەدەكتەرى. ودان بولەك, ولاردىڭ قاتارىندا ەستۋ قابىلەتىنەن ايرىلعان جاندار دا بار. جالپى تسەحتا توسەك ورىن تىسىن, ەرلەردىڭ كوستيۋم-شالبارىن, سالاعا بايلانىستى ارنايى كيىمدەر دايىندالادى», – «كونە قۇمىرا» جشس باسشىسى.
ايتا كەتەيىك, كاسىپكەرلەرگە قولداۋ ءبىلدىرىپ كەلە جاتقان «وڭتۇستىك» ايماقتىق ينۆەستيتسيالىق ورتالىعى 2009 جىلى قۇرىلعان. اتالعان ورتالىق نەگىزىنەن وبلىس كاسىپكەرلەرىنە نەسيە جانە قارجىلىق ليزينگ بەرۋ ارقىلى قارجىلاندىرۋ جۇمىستارىن جۇرگىزەدى.