ءماجىلىستىڭ ەكونوميكالىق رەفورما جانە وڭىرلىك دامۋ كوميتەتىنىڭ وتىرىسى ءوتىپ, وندا قازاقستان رەسپۋبليكاسى تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى قىزمەتىنە باعدات ءمۋسيندى تاعايىنداۋ جونىندەگى كانديداتۋرا كەلىسىلدى. بۇل تۋرالى پارلامەنت ءماجىلىسىنىڭ ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.
بۇل ماسەلە كوميتەت وتىرىسىندا "قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى" كونستيتۋتسيالىق زاڭنىڭ 22-1 بابىنا سايكەس قارالدى. ماجىلىستەگى اعىمداعى سەسسيادان باستاپ كانديداتتاردى كەلىسۋدىڭ جاڭا فورماتى ەنگىزىلدى.بۇدان بىلاي مينيستر لاۋازىمىنا كانديداتتاردىڭ بارلىعى وسى سالانى دامىتۋ باعدارلاماسىن ءماجىلىستىڭ بەيىندى كوميتەتتەرىنىڭ مۇشەلەرىنە ۇسىنادى.سونىمەن بىرگە, دەپۋتاتتار ىسكە اسىرىلىپ جاتقان مەملەكەتتىك باعدارلامالار اياقتالۋى ءۇشىن كانديداتتار جۇمىسىنىڭ ساباقتاستىعىن قامتاماسىز ەتۋگە ەرەكشە نازار اۋدارۋعا نيەتتى. وسىعان وراي, ءماجىلىستىڭ ەكونوميكالىق رەفورما جانە وڭىرلىك دامۋ كوميتەتىنىڭ مۇشەلەرى ب.مۋسينگە بىرقاتار سۇراق قويدى.
اتاپ ايتقاندا, ولار "تسيفرلىق قازاقستان" مەملەكەتتىك باعدارلاماسىن ىسكە اسىرۋ تاسىلدەرىنىڭ ساباقتاستىعى تۋرالى ايتتى.سونىمەن قاتار, ءماجىلىس دەپۋتاتتارىن مەكتەپ وقۋشىلارىنا قاشىقتىقتان ءبىلىم بەرۋدى قامتاماسىز ەتۋ ماسەلەلەرىن قالاي شەشۋ جوسپارلانىپ وتىرعاندىعى, ونىڭ ىشىندە قاشىقتىقتان بەينەبايلانىس ارقىلى وقىتۋدىڭ وتاندىق باعدارلاماسى تۋرالى سۇراپ, اۋىلداردى ينتەرنەتپەن قامتاماسىز ەتۋ ماسەلەسىن دە كوتەردى. سونىمەن بىرگە, ءماجىلىس دەپۋتاتتارى مەملەكەت باسشىسىنىڭ قازاقستان حالقىنا جولداۋىندا جانە ءبىرىنشى كەزەكتە IT سالاسىندا جانە مەملەكەتتىك قىزمەتتەردى تسيفرلاندىرۋدا العا قويعان مىندەتتەردىڭ ماڭىزدىلىعىنا توقتالدى. وتىرىس سوڭىندا ءتيىستى قورىتىندى قابىلداندى.
ول قازاقستان رەسپۋبليكاسى پارلامەنتى ءماجىلىسىنىڭ ەكونوميكالىق رەفورما جانە وڭىرلىك دامۋكوميتەتى "قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى" قازاقستان رەسپۋبليكاسى كونستيتۋتسيالىق زاڭىنىڭ 22-1-بابىنا سايكەس پرەمەر-ءمينيسترى ۇسىنعان باعدات باتىربەك ۇلى ءمۋسيننىڭ كانديداتۋراسىن قاراپ, اتالعان كانديداتۋرانى قازاقستان رەسپۋبليكاسى تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترىلاۋازىمىنا تاعايىنداۋ ءۇشىن ۇسىنۋعا بولادى دەپ ەسەپتەيدى.