قوستاناي اۋدانىنداعى زارەچنىي اۋىلىندا "نۇرلى جەر" باعدارلاماسى اياسىندا 279 تۇرعىن ءۇي بوي كوتەردى, - دەپ حابارلايدى Egemen.kz.
كەڭ اۋلاسى جانە جەكە باقشاسى بار 120 شارشى مەترلىك قوس قاباتتى ءۇيدىڭ باعاسى 14 ملن تەڭگەگە باعالانادى. ال ءدال وسىنداي 100 شارشى مەترلىك ءۇيدىڭ باعاسى 12 ملن تەڭگە تۇرادى. جاڭا ۇيلەرگە باعدارلاما بويىنشا قونىستانعان ءار وتباسىنىڭ ايلىق تولەمى 70 مىڭ تەڭگەگە جۋىقتايدى.
جاڭا شاعىن اۋداندى ارالاپ كورگەن وبلىس اكىمى ارحيمەد مۇحامبەتوۆ ۇيلەردىڭ سالىنۋ ساپاسىنا كوڭىلى تولاتىنىن ايتتى. تۇرعىندارمەن كەزدەسكەن ايماق باسشىسى:
"و باستا بوس جاتقان بۇل جەردە كوممۋنيكاتسيا جۇيەلەرىن قوسۋ جانە شاعىن اۋداندى اباتتاندىرۋ ارقىلى ءبىر جانە ەكى قاباتتى جەكە تۇرعىن ۇيلەردىڭ 4 ءتۇرىن سالۋ كوزدەلگەن ەدى. قازىر, مىنە, مەملەكەتتىك باعدارلاما بويىنشا سالىنىپ, ءسان تۇزەگەن اسەم ۇيلەرگە جاس وتباسىلار قونىستانىپ, يگىلىگىن كورىپ جاتىر. "نۇرلى جەر" باعدارلاماسىن جۇزەگە اسىرۋ ءالى دە جالعاسادى", - دەدى اكىم.
قوستاناي وبلىسى