بيىل قازاقستانداعى اقىلى جولداردان قانشا قاراجات تۇسكەنى بەلگىلى بولدى

وتكىزۋ پۋنكتىندە كەپتەلىستى بولدىرماس ءۇشىن الدىن-الا تولەم جۇيەسى ەنگىزىلگەن. جەڭىل اۆتوكولىكتەر ءۇشىن ارنايى ديففەرەنتسيالدى تاريف تە بار. ياعني, الدىن-الا تولەم جاساعان اۆتوكولىكتەردىڭ تولەماقىسى ەكى ەسە ارزان. سونداي-اق, اقىلى اۆتوجولدىڭ ماڭايىنداعى ەلدى مەكەندەردە تىركەلگەن اۆتوكولىكتەرگە قۇنى 1000 تەڭگەنى قۇرايتىن 1 جىلدىق ابونەمەنت قاراستىرىلعان.

"2019 جىلدىڭ قورىتىندىسى بويىنشا ءتورت اقىلى ۋچاسكەدەن جينالعان قاراجات 5 389 ملن تەڭگەنى قۇرادى. ونىڭ ىشىندە: "نۇر-سۇلتان-تەمىرتاۋ" - 1 729  ملن تەڭگە, "نۇر-سۇلتان-ششۋچينسك" - 1 700 ملن تەڭگە, "الماتى-قورعاس" - 988 ملن تەڭگە جانە "الماتى-قاپشاعاي" 972 ملن تەڭگە. سونداي-اق, ءبىر جىل ىشىندە (2019 جىلى) بارلىق اقىلى ۋچاسكە بويىنشا 10,5 ملن اۆتوكولىك ءجۇرىپ وتكەن, – دەلىنگەن حابارلامادا.

"اۆتوموبيل جولدارى تۋرالى" زاڭىنا سايكەس:

جالپىعا ورتاق پايدالانىلاتىن حالىقارالىق جانە رەسپۋبليكالىق ماڭىزى بار اقىلى اۆتوموبيل جولدارىمەن (جول ۋچاسكەلەرىمەن) ءجۇرىپ ءوتۋ ءۇشىن اقى الۋدان تۇسكەن اقشا مىنالارعا:

      1) اقىلى اۆتوموبيل جولدارىن (جول ۋچاسكەلەرىن) جوندەۋگە جانە كۇتىپ-ۇستاۋعا, ءجۇرىپ ءوتۋ ءۇشىن اقى الۋدىڭ باعدارلامالىق-اپپاراتتىق كەشەنىن كۇتىپ-ۇستاۋعا;

    2) ءجۇرىپ ءوتۋ ءۇشىن اقى الۋدىڭ باعدارلامالىق-اپپاراتتىق كەشەنىن ەنگىزۋ جانە ورناتۋ ماقساتى ءۇشىن تارتىلعان ينۆەستيتسيالاردى قايتارۋعا;

     3) اۆتوموبيل جولدارىندا (جول ۋچاسكەلەرىندە) اقىلى قوزعالىستى ۇيىمداستىرۋعا;

      4) اقىلى اۆتوموبيل جولدارىن (جول ۋچاسكەلەرىن) كۇتىپ-ۇستاۋ ءۇشىن جول-پايدالانۋ تەحنيكاسىن ساتىپ الۋعا جانە وعان قىزمەت كورسەتۋگە بايلانىستى شىعىستاردى قارجىلاندىرۋعا باعىتتالادى.

وسىلايشا, جينالعان 5 389 ملن تەڭگە جانە 77,8 ملڭ تەڭگە كولەمىندەگى قوسىمشا تابىس تومەندەگلەرگە جۇمسالدى:

- 2 690,1 ملن تەڭگە اۆتوجولدى كۇتىپ-ۇستاۋ جانە جوندەۋگە;

- 1 401,3 ملن  تەڭگە باعدارلامالىق-اپپاراتتىق كەشەندى كۇتىپ-ۇستاۋعا;

- 594,6 ملن  تەڭگە قوسىمشا قۇن سالىعى مەن كورپوراتيۆتىك تابىس سالىعىنا;

- 14,2 ملن  تەڭگە قوسىمشا شىعىندارعا;

- 543,4 ملن  تەڭگە جول-پايدالانۋ تەحنيكاسى مەن تولەم قابىلداۋ پۋنكتىنە قاجەتتى جابدىقتارعا;

- شىعىننان ارتىلعان 223,2 ملن تەڭگە كولەمىندەگى قاراجات رەسپۋبليكالىق بيۋدجەتكە اۋدارىلدى.

2019 جىلى باعدارلامالىق-اپپاراتتىق كەشەندى جوندەۋ جانە كۇتىپ-ۇستاۋ, سونداي-اق, "نۇر-سۇلتان-ششۋچينسك" اقىلى اۆتوجولىن جوندەۋ جانە كۇتىپ-ۇستاۋ بويىنشا جۇمىستاردى "اقىلى اۆتوموبيل جولدارى ديرەكتسياسى" فيليالى جۇرگىزدى. ال, "نۇر-سۇلتان-تەمىرتاۋ", "الماتى-قاپشاعاي" جانە "الماتى-قورعاس" ۋچاسكەسىندەگى جۇمىستاردى "قازاقاۆتوجول" جشس مەردىگەر ۇيىمى جۇزەگە اسىرعان.