بۇگىن ساعات 11:00-دە مەملەكەت باسشىسى قاسىم-جومارت توقاەۆ پارلامەنت پالاتالارىنىڭ بىرلەسكەن وتىرىسىندا قازاقستان حالقىنا جىل سايىنعى ءداستۇرلى جولداۋىن جاريالايدى. بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي Facebook پاراقشاسىندا جازدى, - دەپ حابارلايدى Egemen.kz.
پارلامەنتتىڭ قوس پالاتاسىنىڭ بىرلەسكەن وتىرىسىندا پرەزيدەنت قاسىم-جومارت توقاەۆ ەلىمىزدىڭ داعدارىستان كەيىنگى كەزەڭدەگى نەگىزگى دامۋ ماقساتتارى جايىندا ايتادى. جولداۋدىڭ باسىم بولىگى ەكونوميكالىق جانە الەۋمەتتىك ماسەلەلەرگە ارنالادى دەپ كۇتىلۋدە.جولداۋدى بارلىق رەسپۋبليكالىق تەلەارنالار تىكەلەي ەفير ارقىلى كورسەتىپ, نەگىزگى راديوستانتسيالار تىكەلەي تولقىندا تاراتادى.