الماتىنىڭ مەديتسينا قىزمەتى ىندەتتىڭ ەكىنشى تولقىنىنا قاۋقارى جەتە مە؟

ەرجان باباقۇماروۆ الماتىدا پاندەميانىڭ جاڭا تولقىنى بولعان جاعدايدا جەدەل مەديتسينالىق قىزمەت قانشالىقتى قاۋقارلى؟ وسى سۇراققا جاۋاپ ىزدەگەن اكىم ورىنباسارى سالانىڭ جۇمىس جوسپارىمەن تانىستى.

قوعامدىق دەنساۋلىق ساقتاۋ باسقارماسىنىڭ باسشىسى كامالجان نادىروۆپەن بىرگە قالالىق جەدەل جاردەم قىزمەتىنىڭ جۇمىسىنا شولۋ جۇرگىزدى. 

باستى مىندەت كوروناۆيرۋس ينفەكتسياسى پاندەمياسىنىڭ بولۋى مۇمكىن جاڭا تولقىنىنا دايىندىقتى تەكسەرۋ.

جۇمىس توبى COVID-19 جاعدايىندا كومەك كورسەتۋدى ۇيىمداستىرۋ الگوريتمىنىڭ ورىندالۋىمەن تانىستى.جەكەلەي العاندا, كوروناۆيرۋس ينفەكتسياسىنا كۇدىكتى ناۋقاسقا باعىت بەرۋ, اۋرۋحاناعا جاتقىزۋ ەرەجەلەرىن ساقتاۋ, شاقىرتۋلاردى جەدەل وڭدەۋدى قامتاماسىز ەتۋ, دەزينفەكتسيا جۇرگىزۋ جانە ت. ب.

"قازىرگى ۋاقىتتا 11 قوسالقى ستانتسيادا 180 بريگادا, 3 مىڭنان استام قىزمەتكەر, دارىگەر, فەللشەر مەن جۇرگىزۋشى قىزمەت ەتۋدە. بارلىق ماماندار جەكە قورعانىس قۇرالدارىنىڭ جەتكىلىكتى مولشەرىمەن قامتاماسىز ەتىلگەن.كوروناۆيرۋس ينفەكتسياسىنىڭ جاڭا تولقىنى بولاتىن بولسا, ءبىز 103 جەلىلەرىن 30-دان 50-گە دەيىن, قوڭىراۋلاردى قابىلدايتىن فەلدشەرلەر سانىن12-دەن 22-گە دەيىن, ال بريگادالار سانىن 220-عا دەيىن كوبەيتەمىز", الماتى قالالىق جەدەل مەديتسينالىق كومەك قىزمەتىنىڭ باس دارىگەرى ءبىرجان وسپانوۆ.

سونىمەن بىرگە كوروناۆيرۋس اۋرۋى ورشىگەن كەزدە جەدەل مەديتسينالىق قىزمەتتىڭ ارەكەتىنىڭ الگوريتمى جاسالدى. ارەكەت ەتۋ جوسپارى, ءۇش ماڭىزدى ستسەناري بار, سول بويىنشا مەديتسينا قىزمەتكەرلەرى كوروناۆيرۋس ينفەكتسياسى جاعدايىنا قاراي ارەكەت ەتەتىن بولادى. بارلىق مەديتسينا قىزمەتكەرلەرى ءتيىستى وقۋدان ءوتتى.

جەدەل مەديتسينا كولىكتەرىن سالقىن بۋلاندىرۋ گەنەراتورى تاسىلىمەن دەزينفەكتسيالاۋعا ەرەكشە كوڭىل بولىنۋدە.

قالا تۇرعىندارىنا كەڭەس بەرۋ ءۇشىن 3000-505 ءنومىرى بويىنشا ارنايى Call-ورتالىق جۇمىس ىستەيدى. قوسىمشا كۇش 103 جەلىسىنىڭ جۇمىسىن جەڭىلدەتىپ, شۇعىل قوڭىراۋلارعا دەر كەزىندە جاۋاپ بەرۋگە مۇمكىندىك بەرەدى. جمكق مالىمەتتەرى بويىنشا,كۆي بويىنشا شاقىرتۋلاردىڭ ازايعانى بايقالادى.

الماتى قالاسى اكىمىنىڭ ورىنباسارى ەرجان باباقۇماروۆ جەدەل مەديتسينالىق كومەك قىزمەتىنىڭ ۇجىمىنا پاندەميامەن كۇرەسكە كۇندەلىكتى قوسىپ جۇرگەن ۇلەستەرى ءۇشىن العىس ايتتى. جمكق باسشىلىعىنا قالا حالقىنىڭ دەنساۋلىعى مەن ءومىرىن قورعاۋ جوسپارىن جۇزەگە اسىرۋ اياسىندا بەلگىلەنگەن سانيتارلىق-ەپيدەميالىق قاۋىپسىزدىك تالاپتارىن ەرەكشە باقىلاۋدا ۇستاۋ تاپسىرىلدى.