ەلىمىزدىڭ پاراليمپياداشىلارى سپورتتا ۇلكەن جەتىستىكتەر كورسەتىپ قانا قويماي, ساياساتتا دا بەلسەندىلىك تانىتۋعا نيەتتى, دەپ حابارلايدى Egemen.kz.
ەلىمىزدەگى پاراليمپياداشىلار پرايمەريزگە قاتىسىپ جاتىر.
قوعام قايراتكەرى سەرىك ەسماتوۆ الماتى قالاسىنىڭ ينفراقۇرىلىمىن مۇگەدەكتىگى بار جاندار ءۇشىن عانا ەمەس, بارلىق جاستار ءۇشىن دامىتۋعا نيەتتى. ۇمىتكەرلەردىڭ ءبىرى ۆلاديمير ەرمان بىرنەشە جىلدان بەرى قالالىق ءماسليحاتتىڭ دەپۋتاتى بولىپ جۇمىس جاساپ كەلەدى. ول كولىككە جانە الەۋمەتتىك نىساندارعا ەرەكشە نازار اۋدارا وتىرىپ, مۇگەدەكتىگى بار ازاماتتاردىڭ مۇددەلەرىن قورعاۋدى جالعاستىرادى.
شاحان جۇلداسباەۆ – پارا جۇزگىش جانە كاسىپكەر. ول پاندۋستار سالىپ, عيماراتتاردى بەيىمدەۋمەن اينالىسۋدى كوزدەيدى. سونداي-اق, ەلەكترلىك تىك كوتەرگىشتەر ءوندىرىسىن ىسكە قوستى. قوعام قايراتكەرى تۇرعىنداردىڭ قوزعالىسى شەكتەۋلى توپقا قول جەتىمدى ورتا قالىپتاستىرۋ ءۇشىن مۇددەلەرىن قورعايدى.
ەكى دۇركىن ازيا پارا ويىندارىنىڭ چەمپيونى ەرجان سالىمگەرەەۆ پارا سپورتتى دامىتىپ, جاڭا دەڭگەيگە شىعارعىسى كەلەدى. ءجۇزۋشى اتىراۋ وبلىسىنىڭ الەۋمەتتىك ومىرىنە بەلسەندى اراسالادى. 2019 جىلى ول سپورتتاعى جانە قوعام الدىنداعى جەتىستىكتەرى ءۇشىن "التىن ادام" سىيلىعىن الدى.