قايرات ايتۋعانوۆ س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ باسقارما توراعاسى بولىپ تاعايىندالدى

ايتۋعانوۆ قايرات قاپار ۇلى 1984 جىلى تسەلينوگراد اۋىل شارۋاشىلىق ينستيتۋتىن ۇزدىك ءتامامداپ, اگرونوم عالىم بىلىكتىلىگىن الدى. 2000 جىلى الماتى ەنەرگەتيكا جانە بايلانىس ينستيتۋتىن "ينجەنەر – ەكونوميست" بىلىكتىلىگى بويىنشا بىتىرگەن.

1990 جىلى ماسكەۋ قالاسىنداعى بۇكىلوداقتىق اۋىل شارۋاشىلىعى ەكونوميكاسى عىلىمي-زەرتتەۋ ينستيتۋتىنىڭ كۇندىزگى اسپيرانتۋراسىن ءبىتىردى.

ەكونوميكا عىلىمدارىنىڭ  دوكتورى.

ەڭبەك جولىن 1984 جىلى توپىراقتانۋ كافەدراسىنىڭ اسسيستەنتى قىزمەتىنەن باستادى. 1985-1986 جىلدارى كسرو قارۋلى كۇشتەرى قاتارىندا قىزمەت ەتتى. اسكەري اتاعى-اعا لەيتەنانت.

1987-1989 جىلدار ارالىعىندا اگرونوم, اعا اگرونوم-تۇقىم ءوسىرۋشى, كەڭشاردىڭ باس ەكونوميسى بولىپ جۇمىس ىستەدى.

1990 جىلدان 1992 جىلدىڭ قىركۇيەگىنە دەيىن قىزىلتۋ اۋداندىق اگروونەركاسىپ بىرلەستىگى توراعاسىنىڭ ەكونوميكالىق ماسەلەلەر جونىندەگى ورىنباسارى جانە كوكشەتاۋ وبلىسى اۋداندىق اكىمشىلىگىنىڭ اۋداندىق جوسپارىنىڭ توراعاسى قىزمەتتەرىن اتقاردى.

1992 جىلدىڭ قىركۇيەگىنەن 1996 جىلدىڭ قازانىنا دەيىن كوممەرتسيالىق قۇرىلىمداردا باسشىلىق قىزمەتتەردى اتقاردى.

1996-2005 جىلدارى كوكشەتاۋ وبلىسى اكىمى اپپاراتىنىڭ ءبولىم مەڭگەرۋشىسى, سولتۇستىك قازاقستان وبلىستىق ەكونوميكا باسقارماسى باستىعىنىڭ ورىنباسارى, قازاقستان رەسپۋبليكاسى ستراتەگيالىق جوسپارلاۋ جانە رەفورمالار جونىندەگى اگەنتتىگىنىڭ ءبولىم باستىعى, استانا قالاسىنداعى "اقمولا ەلەكترجەلىلىك تاراتۋ كومپانياسى" اق باسقارما توراعاسىنىڭ ورىنباسارى قىزمەتتەرىن اتقاردى.

2005-2007 جىلدار ارالىعىندا قازاقستان رەسپۋبليكاسى اۋىل شارۋاشىلىعى مينيسترلىگى اپپاراتىنىڭ باسشىسى, حالىقارالىق قايتا قۇرۋ جانە دامۋ بانكىنىڭ (دۇنيەجۇزىلىك بانك) "اۋىل شارۋاشىلىعىن جەكەشەلەندىرۋدەن كەيىنگى قولداۋ" جوباسىن باسقاردى.

2007 جىلدىڭ جەلتوقسانى مەن 2011 جىلدىڭ شىلدەسى ارالىعىندا شىمكەنت قالاسىنداعى "وڭتۇستىك" اكك "ۇلتتىق كومپانياسى" اق قارجى ديرەكتورى, ورىنباسارى, ءبىرىنشى ورىنباسارى, باسقارما توراعاسى لاۋازىمدارىندا جۇمىس ىستەدى.

2012 جىلدىڭ شىلدەسىنەن 2016 جىلدىڭ شىلدەسىنە دەيىن قاراعاندى وبلىسى اكىمىنىڭ ورىنباسارى, "قازاگرو" ۇلتتىق باسقارۋشى حولدينگى" اق باسقارما توراعاسىنىڭ ورىنباسارى, قازاقستان رەسپۋبليكاسى كاسىپوداقتار فەدەراتسياسىنىڭ باسقارما توراعاسىنىڭ ورىنباسارى قىزمەتتەرىن اتقاردى.

2016 جىلدىڭ شىلدەسىنەن باستاپ قازاقستان رەسپۋبليكاسىنىڭ اۋىل شارۋاشىلىعى ءبىرىنشى ۆيتسە-ءمينيسترى بولىپ جۇمىس ىستەدى. 2018 جىلدان باستاپ س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ باسقارما ورىنباسارى قىزمەتىن اتقاردى.

2020 جىلدىڭ 27 تامىزىنان – "س.سەيفۋللين اتىنداعى قازاق اگروتەحنيكالىق ۋنيۆەرسيتەتى" كەاق باسقارما توراعاسى.

"قۇرمەت" وردەنىمەن جانە 5 مەدالمەن ماراپاتتالعان.

ساكەن سەيفۋللين اتىنداعى قازاق اگروتەحنيكالىق ۋنيۆەرسيتەتى – قازاقستان رەسپۋبليكاسىنداعى اۋىل شارۋاشىلىعى جانە تەحنيكالىق باعىتتاعى ءىرى ۋنيۆەرسيتەت. بۇگىنگى تاڭدا ۋنيۆەرسيتەتتە 1547 قىزمەتكەر جۇمىس ىستەيدى, ونىڭ ىشىندە 850 وقىتۋشى, 12 مىڭعا جۋىق ستۋدەنت, ماگيسترانتتار مەن دوكتورانتتار ءبىلىم الۋدا.

ۋنيۆەرسيتەت وتاندىق جوعارى ءبىلىم بەرۋ كوشباسشىلارىنىڭ ءبىرى بولىپ تابىلادى. 2012 جىلى QS حالىقارالىق اگەنتتىگىنىڭ رەيتينگى بويىنشا ۋنيۆەرسيتەت 601 +قاتارىنا كىردى,  قازاقستاندىق سەگىز جوو اراسىندا, جىل سايىن شىعىس ەۋروپا مەن ورتالىق ازيا جوو رەيتينگىندە QS UniversityRankings: EECA 2018 ۋنيۆەرسيتەت توپ + 200 قاتارىنا كىرەدى.

2018 جىلى قر سۇرانىسقا يە  جوعارى وقۋ ورىندارى اراسىنداعى ۇلتتىق رەيتينگىدە كاتۋ قازاقستاننىڭ ۇزدىك 20 جوعارى وقۋ ورنىنىڭ قاتارىنا كىرىپ, 4 ورىن الدى, 2019 جىلى 3 ورىن, ال 2020 جىلى كورسەتكىشتەر 2 ورىنعا دەيىن جاقساردى. "اتامەكەن" قازاقستان رەسپۋبليكاسى ۇلتتىق كاسىپكەرلەر پالاتاسىنىڭ ءبىلىم بەرۋ باعدارلامالارىنىڭ رەيتينگىندە 2019 جىلى اگرارلىق جوو اراسىندا س.سەيفۋللين اتىنداعى قازاق اگروتەحنيكالىق ۋنيۆەرسيتەتى 1 ورىندى يەلەندى.

2019 جىلعى قاڭتاردا AgroParisTech جانە Agreenium (فرانتسيا) – مەن ءوزارا تۇسىنىستىك تۋرالى مەموراندۋمعا قول قويىلدى جانە ماگيستراتۋرا مەن باكالاۆرياتتىڭ 3 بىرلەسكەن ءبىلىم بەرۋ باعدارلاماسىن ازىرلەۋ بويىنشا جۇمىس جۇرگىزىلدى, 2020 جىلدان باستاپ ولاردىڭ وقىتىلۋى باستالادى.

شەتەلدىك ارىپتەستەرمەن, اتاپ ايتقاندا دەۆيس قالاسىنداعى (اقش) كاليفورنيا ۋنيۆەرسيتەتىمەن بىرلەسىپ, كاتۋ-دى قر اۋىل شارۋاشىلىعى سالاسىنداعى الەمدىك دەڭگەيدەگى زەرتتەۋ ۋنيۆەرسيتەتىنە ترانسفورماتسيالاۋ باعدارلاماسى ازىرلەندى. بۇگىندە قر اۋىل شارۋاشىلىعى مينيسترلىگىنىڭ قولداۋىمەن زەرتتەۋ ۋنيۆەرسيتەتى قۇرىلىپ, ءبىلىم الۋشىلاردىڭ  عىلىمي جانە پراكتيكالىق زەرتتەۋلەرىن جۇرگىزۋى ءۇشىن ۋنيۆەرسيتەت قۇرامىنا ا.ي.باراەۆ اتىنداعى استىق شارۋاشىلىعى عىلىمي-وندىرىستىك ورتالىعى ەنىپ, سولتۇستىك قازاقستان اۋىل شارۋاشىلىعى تاجىريبە ستانتسياسى, قازاق ورمان شارۋاشىلىعى جانە اگروورمانمەليوراتسيا عىلىمي-زەرتتەۋ ينستيتۋتى بار.

ۋنيۆەرسيتەت جۇيەسىندە  زاماناۋي ماتەريالدىق-تەحنيكالىق بازا, زاماناۋي عىلىمي زەرتحانالار بار, 9 تەحنولوگيالىق پلاتفورما, اۋىل شارۋاشىلىعىنا باعىتتالعان جالپى اۋماعى 31 964 گەكتاردى قۇرايتىن جەر بار.