الماتى وبلىسىنىڭ ەڭبەكشىقازاق اۋدانىندا «جۇمىسپەن قامتۋ جول كارتاسى» باعدارلاماسى شەڭبەرىندە 106 نىسان جوندەۋدەن ءوتىپ, سالىنۋدا. ءوڭىردىڭ حالىق ەڭ تىعىز قونىستانعان اۋدانىندا جاڭا مەكتەپ سالىنىپ, ساياباق جاڭارۋدا, كوشەلەر جارىقتاندىرىلىپ, جولدار جوندەلىپ, ينجەنەرلىك جۇيەلەر توسەلۋدە. بۇل جۇمىستارعا 11,5 ملرد. تەڭگە بولىنگەن, - دەپ حابارلايدى Egemen.kz الماتى وبلىسى اكىمىنىڭ ءباسپاسوز قىزمەتىنە سىلتەمە جاساپ.
ەڭبەكشىقازاق اۋداندىق اكىمدىگىنىڭ مالىمەتىنشە, باعدارلامانىڭ ارقاسىندا 3152 جۇمىس ورنى قۇرىلعان, سونىڭ 1576-سى اۋداندىق جۇمىسپەن قامتۋ ورتالىعى ارقىلى تارتىلعان. قۇرىلىس جۇمىستارى اياقتالعاننان كەيىن 250 تۇراقتى جۇمىس ورنى اشىلاتىن بولادى.
اتالعان 106 جوبانىڭ 46-سى – ءبىلىم سالاسىنىڭ نىسانى. ماسەلەن, مامىر ايىندا ەسىك قالاسىندا 1500 ورىندى مەكتەپتىڭ قۇرىلىسى باستالعان, ال ايمەن ورتا مەكتەپ عيماراتىنا, ي.ساتتاروۆ اتىنداعى مەكتەپ جانىنداعى بالاباقشادا, و.جاندوسوۆ اتىنداعى مەكتەپتىڭ شاتىرىنا كۇردەلى جوندەۋ جۇمىستارى جۇرگىزىلۋدە. سول سياقتى 42 مەكتەپتىڭ مەكتەپ ىشىندەگى اجەتحاناسىن جوندەۋ ءىسى دە وسى باعدارلاما اياسىندا شەشىلەدى.
مادەنيەت پەن سپورتتان 3 نىسان ەنگىزىلگەن. كولدىدەگى مادەنيەت ءۇيى, ەسىكتەگى اۋداندىق مادەنيەت ءۇيى, ك.بيجانوۆ اۋىلىنداعى سپورت كەشەنى دە قايتا جاڭاراتىن بولادى.
تۇكش سالاسىندا دا بىرقاتار جۇمىستار اتقارىلادى. اششىساي اۋىلىنىڭ ساياباعى, 5 اۋىلدىڭ كوشەلەرى جارىقتاندىرىلسا, قىزىلشارىق اۋىلىنداعى ەلەكتر جۇيەلەرى قايتا جاڭارتىلىپ, سالىنادى. ال ەسىك توپتىق سۋ قۇبىرى قۇرىلىسىنىڭ ءبىرىنشى كەزەگى بۇل سالاداعى ەڭ ءىرى نىسان بولماق.
جەرگىلىكتى ماڭىزداعى اۆتوكولىك جولدارىنداعى قۇرىلىس جۇمىستارىنىڭ باسىم بولىگى اياقتالعان. مۇنداعى 46 نىساننىڭ 27-ءسى جوندەلىپ ءبىتتى. ونىڭ 24-ءى كەنتىشىلىك جولدار مەن تروتۋارلاردى اعىمداعى جوندەۋ, 3 نىسان ورتاشا جوندەۋگە جاتادى. اۆتوكولىك جولدارىنداعى قۇرىلىس جۇمىستارىنا 1,6 ملرد. تەڭگە قارالعان.
اتالمىش باعدارلاما اياسىندا وبلىستىق بيۋدجەتتەن شەلەك پوليتەحنيكالىق كوللەدجىنىڭ كۇردەلى جوندەۋى مەن شەلەك اۋىلىنداعى اۋداندىق اۋرۋحانانىڭ جاپسارجايىنىڭ قۇرىلىسى جۇرگىزىلۋدە. سول سياقتى كوكتوبە اۋىلىندا ءبىر اۋىسىمدا 50 ادامدى قابىلدايتىن دارىگەرلىك امبۋلاتوريا سالىنىپ جاتىر.
نىسانداردىڭ بارلىعىندا قۇرىلىس جۇمىستارى جىلدىڭ سوڭىنا دەيىن اياقتالادى دەپ جوسپارلانعان.
اتاپ وتسەك, الماتى وبلىسى بويىنشا «جۇمىسپەن قامتۋ جول كارتاسى» اياسىندا 977 جوبانى جۇزەگە اسىرۋعا 109,2 ملرد. تەڭگە بولىنگەن.