بۇگىن الماتى قالاسىنىڭ اكىمى باقىتجان ساعىنتاەۆتىڭ توراعالىعىمەن, الماتىنىڭ ءبىلىم بەرۋ سالاسىنىڭ قىزمەتكەرلەرىنىڭ "الماتىنىڭ ءبىلىم بەرۋ بولاشاعى: جاڭا كەزەڭدەگى پەرسپەكتيۆالىق شەشىمدەر" فورۋمى باستالدى.
2019-2020 وقۋ جىلىندا كارانتين رەجىمىنە قاراماستان, الماتىلىق وقۋشىلار ءارتۇرلى حالىقارالىق, رەسپۋبليكالىق وليمپيادالار مەن كونكۋرستاردان 28 التىن, 75 كۇمىس, 96 قولا مەدال جەڭىپ الدى. اكىمنىڭ تاپسىرماسى بويىنشا بالالاردى قولداۋعا, ولاردىڭ تالانتتارى مەن قابىلەتتەرىن دامىتۋعا باعىتتالعان كەشەندى شارالار جۇزەگە اسىرىلۋدا.
فورۋم بارىسىندا ءبىلىم باسقارماسىنىڭ باسشىسى ءلاززات جىلقىباەۆا, الماتىدا دارىندى بالالار مەن تالانتتى جاستاردى انىقتايتىن, قولدايتىن "الماتى دارىنى" ورتالىعى قۇرىلاتىنىن حابارلادى.
"جاڭا وقۋ جىلىندا "الماتى دارىنى" ورتالىعى ءوز جۇمىسىن باستايدى. ورتالىق قىزمەتىنىڭ باعىتى - بالالارمەن تاربيە جۇمىسىن جەتىلدىرۋ بولادى. سونىمەن قاتار, وقىتۋدىڭ تاربيەلىك اسپەكتىسىن كۇشەيتۋ ماقساتىندا, 2019-2024 جىلدارعا ارنالعان "ەل جاستارى" بالالار مەن جاستاردى تاربيەلەۋدىڭ الماتى وڭىرلىك باعدارلاماسىن ىسكە اسىرۋ جۇمىسى جانداندىرىلادى", - دەپ اتاپ ءوتتى ل.جىلقىباەۆا.
باسقارما باسشىسىنىڭ ايتۋىنشا, قاشىقتان جۇمىس ىستەۋ جاعدايىندا بالالارعا شىعارماشىلىق جاعىنان ءوزىن-ءوزى دامىتۋعا مۇمكىندىك بەرىلەدى. وسىعان بايلانىستى قوسىمشا ءبىلىم بەرۋ ۇيىمدارىنىڭ قىزمەتىنە, تاربيەلىك ماڭىزى بار ونلاين ءىس-شارالاردى وتكىزۋگە كوپ كوڭىل بولىنەدى.
"جاڭا وقۋ جىلىندا كۇشەيتىلگەن تاربيە جۇمىسىنا, ونىڭ ساپاسى مەن تيىمدىلىگىن ارتتىرۋعا ەرەكشە كوڭىل بولىنەدى", - دەدى ول.
ەستەرىڭىزگە سالا كەتەيىك, مەملەكەت باسشىسى قاسىم-جومارت توقاەۆ ءوز جولداۋىندا از قامتىلعان جانە كوپ بالالى وتباسىلاردان شىققان دارىندى بالالاردى قولداۋ بويىنشا جول كارتاسىن ازىرلەۋدى تاپسىرعان بولاتىن. ۇكىمەت باسشىلارى مەن اكىمدەر مۇنداي بالالارعا, ۇيىرمەلەرگە, ورتالىقتار مەن جازعى لاگەرلەرگە بارۋعا مۇمكىندىك بەرۋى ءتيىس.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.