الماتى قالاسىنىڭ اكىمى باقىتجان ساعىنتاەۆ "الماتى" تا-نىڭ Akimat Live باعدارلاماسى بارىسىندا الماتىلىقتاردىڭ سۇراقتارىنا جاۋاپ بەرە كەلىپ, كارانتين جاعدايىندا جاڭا وقۋ جىلىنا دايىندىق تۋرالى ايتىپ بەردى., دەپ حابارلايدى Egemen.kz.
ەڭ الدىمەن, كەزەكشى توپتاردىڭ جۇمىستارىن ۇيىمداستىرعان كەزدە سانيتارلىق تالاپتاردى ساقتاۋ باقىلاۋعا الىناتىن بولادى. ولار – دەزينفەكتسيالىق تۋننەلدەردى, تەرمومەتريانى, سانيتايزەرلەردى ورناتۋ جانە بەتپەردە تاعۋ.
"كەزەكشى توپتارداعى بالالاردىڭ قاۋىپسىزدىگى - ەرەكشە نازاردا", دەپ اتاپ ءوتتى ب. ساعىنتاەۆ
وقۋشى پارتالارىنىڭ اراسى 1 شاقىرىم قاشىقتىقتا, پارتالار مەن ورىندىقتار ءار بالاعا جەكە بەكىتىلگەن. ءار ساباق وتكەن سايىن سىنىپتار ءىشى جەلدەتىلەدى جانە كۆارتس جۇرگىزىلەدى, وقۋشىلار مەن مۇعالىمدەر قولدارىن جۋىپ, انتيسەپتيكتەرمەن سۇرتەتىن بولادى. مەكتەپتەردە مەديتسينالىق كابينەتتەر جانە مەكتەپ ينسپەكتورلارى تۇراقتى جۇمىس جاسايتىن بولادى. قالانىڭ بارلىق مەكتەپتەرى تۋننەلدەر, سانيتايزەرلەر, تەپلوۆيزورلار, اياقكيىم كىلەمشەلەرى سياقتى دەزينفەكتسيالىق جانە سانيتارلىق قاۋىپسىزدىك زاتتارىمەن قاجەتتى كولەمدە قامتاماسىز ەتىلگەن.
قاشىقتان وقىتۋ ءۇشىن 75 مىڭنان استام وقۋشى جانە 2 مىڭ مۇعالىم كومپيۋتەرلىك تەحنيكامەن قامتاماسىز ەتىلەدى. سونىمەن قاتار, ينتەرنەت جانە ۇيالى بايلانىس جەلىلەرىنىڭ قاي جەرلەردە قانشالىقتى تومەن ەكەنىن انىقتاۋ ءۇشىن مونيتورينگ جۇرگىزىلدى. ناتيجەسىندە 169 مەكەنجاي (لوكاتسيالار) انىقتالدى, بۇلاردا ينتەرنەت ساپاسى تومەن, ءتىپتى كەيبىر جەرلەردە مۇلدەم جوق. شامامەن 60 نۇكتە انىقتالدى, بۇلارعا ۇيالى وپەراتورلاردىڭ بازالىق ستانتسيالارىن ورناتۋ جوسپارلانعان.
بىرقاتار مەكەنجايلار بويىنشا تاراتۋ جەلىلەرى كۇشەيتىلەدى نەمەسە قوسىمشا جەلىلەر ورناتىلاتىن بولادى.
ينتەرنەت جەلىسىنە مۇقتاج 22 مىڭنان استام وقۋشى ۇيالى مالىمەتتەرى بار SIM-كارتالارمەن قامتاماسىز ەتىلدى. سونىمەن بىرگە, ينتەرنەتى جوق مۇعالىمدەرگە مەكتەپتەردە قاجەتتى سانيتارلىق شارالاردى قامتاماسىز ەتە وتىرىپ, ونلاين-ساباقتار وتكىزۋگە مۇمكىندىك بەرىلەدى.
اتا-انالاردىڭ شاعىمدارى مەن وتىنىشتەرىنە دەرەۋ نازار اۋدارۋ ءۇشىن قالانىڭ بارلىق اۋداندارىندا كولل-ورتالىقتار, ال ءبىلىم باسقارماسىندا تەلەگرامم بوت قۇرىلعان. ينستاگرامم جانە Facebook الەۋمەتتىك جەلىلەرىندە پاراقشالار اشىلعان.