اپتا باسىندا وتكەن اپپاراتتىق كەڭەستە قورعانىس ۆەدومستۆوسىنىڭ باسشىسى گەنەرال-لەيتەنانت نۇرلان ەرمەكباەۆ مينيسترلىكتەگى كادرلىق وزگەرىستەر تۋرالى حابارلاپ, قورعانىس مينيسترلىگى قارۋ-جاراقتى باقىلاۋ جانە ينسپەكتسيالاردى قامتاماسىز ەتۋ ورتالىعىنىڭ باستىعى بولىپ تاعايىندالعان پولكوۆنيك ءادىل بەكوۆتى تانىستىردى, - دەپ حابارلايدى Egemen.kz قورعانىس مينيسترلىگىنىڭ ءباسپاسوز قىزمەتىنە سىلتەمە جاساپ.
وسىعان دەيىن اۋماقتىق قورعانىس دەپارتامەنتى باستىعىنىڭ مىندەتىن اتقارعان پولكوۆنيك ريزات قولپاشەۆ جانە رحب قورعانىس جانە ەكولوگيالىق قاۋىپسىزدىك دەپارتامەنتى باستىعىنىڭ لاۋازىمىن اتقارعان پودپولكوۆنيك ەرجان قۇلماعامبەتوۆ وسى قىزمەتتەرگە بەكىتىلدى.
كەڭەس بارىسىندا قر پرەزيدەنتى – قر قارۋلى كۇشتەرىنىڭ جوعارعى باس قولباسشىسى تاپسىرمالارىن ورىنداۋ ماقساتىندا سىبايلاس جەمقورلىققا قارسى كۇرەس ماسەلەلەرى قارالدى.
"سىبايلاس جەمقورلىققا بايلانىستى قۇقىق بۇزۋشىلىقتارعا جول بەرمەۋ اياسىندا بارلىق ءتارتىپ بۇزۋشىلاردىڭ تىكەلەي باسشىلارى اسكەري اتاقتارى مەن بۇرىنعى ەڭبەكتەرىنە قاراماستان جاۋاپقا تارتىلادى. حالىقتىڭ اسكەرگە دەگەن سەنىمى مەن ەلدى قورعاۋعا دەگەن رياسىز قابىلەتىنە نۇقسان كەلتىرمەۋ ءۇشىن قارۋلى كۇشتەر قاتارى قۇقىق بۇزۋشىلىقتاردان تازا بولۋى كەرەك", - دەدى نۇرلان ەرمەكباەۆ.
قازىرگى تاڭدا قارۋلى كۇشتەردە سىبايلاس جەمقورلىق قۇقىق بۇزۋشىلىقتار بويىنشا ستاتيستيكانىڭ ءوسۋى بايقالادى. بۇل وسى سالاداعى قىلمىستىڭ وسۋىنە عانا بايلانىستى ەمەس, سونداي-اق, انىقتاۋ پروتسەسىنە بايلانىستى كوزقاراستىڭ وزگەرۋىنە قاتىستى بولىپ وتىر. اعىمداعى جىلدىڭ اقپان ايىندا قول قويىلعان مەموراندۋم نەگىزىندە ۋاكىلەتتى ورگانمەن اقپارات الماسۋ جۇزەگە اسىرىلادى. جاڭا تاسىلدەردى قولدانا وتىرىپ, الدىن الۋ شارالارىن قابىلداپ, وسى باعىتتاعى تالدامالىق جۇمىستى كۇشەيتۋگە باسا نازار اۋدارىلادى.
كۇن تارتىبىندەگى باستى تارماقتاردىڭ ءبىرى قارۋلى كۇشتەردەگى سانيتارلىق-ەپيدەميولوگيالىق جاعداي ماسەلەسى بولدى. كارانتيندىك شارالاردىڭ قاتاڭ ساقتالۋىنىڭ ارقاسىندا جەكە قۇرامنىڭ كوروناۆيرۋستىق ينفەكتسيامەن سىرقاتتانۋ جاعدايلارىنىڭ قىسقارۋىنا قول جەتكىزىلدى.
كۇن ءتارتىبىنىڭ باستى تارماقتارىنىڭ ءبىرى قارۋلى كۇشتەردەگى سانيتارلىق-ەپيدەميولوگيالىق جاعداي ماسەلەسى بولدى. كارانتيندىك شارالاردىڭ قاتاڭ ساقتالۋىنىڭ ارقاسىندا جەكە قۇرامنىڭ كوروناۆيرۋستىق ينفەكتسيامەن سىرقاتتانۋ جاعدايلارىنىڭ قىسقارۋىنا قول جەتكىزىلدى.
اپپاراتتىق كەڭەس بارىسىندا اسكەر تۇرلەرىنىڭ باس قولباسشىلارى, اسكەر تەكتەرى مەن وڭىرلىك قولباسشىلىقتاردىڭ قولباسشىلارى قر قارۋلى كۇشتەرىنىڭ جاۋىنگەرلىك ازىرلىگىنىڭ جاي-كۇيى تۋرالى جەدەل اقپارات بەردى.
سونداي-اق قارۋلى كۇشتەردە قىركۇيەك-جەلتوقسان ايلارى ارالىعىندا ازاماتتاردى كۇزگى مەرزىمدى اسكەري قىزمەتكە شاقىرۋ جۇمىستارىن جۇرگىزۋ جوسپارلانۋدا.
اسكەر قاتارىنا جاڭادان قابىلدانعاندارمەن جۇمىس ىستەيتىن لاۋازىمدى ادامداردان تۇراتىن اكىمشىلىك بولىمشەلەردەگى وقۋ پروتسەسىن جوعارى دەڭگەيدە قامتاماسىز ەتۋ ءۇشىن قابىلەتتى, دايارلانعان وفيتسەرلەر مەن كەلىسىمشارت بويىنشا سەرجانتتار تاعايىندالۋى ءتيىس.
ازاماتتاردى مەرزىمدى قىزمەتكە شاقىرۋ جونىندەگى بارلىق ءىس-شارالار سانيتارلىق-ەپيدەميولوگيالىق جاعدايدى ەسكەرە وتىرىپ ۇيىمداستىرىلماق.
مينيستر جاس بۋىندى شاقىرۋ باستالعانعا دەيىن كازارمالىق-تۇرعىن ءۇي قورىن, مونشا, كىر جۋ كومبيناتتارىن, اسحانالار مەن وقۋ-ماتەريالدىق بازانى قالىپقا كەلتىرۋدى تاپسىردى.
اسكەري قالاشىقتارعا جاعداي جاساۋ, اسكەري قىزمەتشىلەردىڭ ءومىرى مەن تۇرمىسىن ۇيىمداستىرۋ, كازارمالىق قوردى جوندەۋ سىندى الەۋمەتتىك ماسەلەلەردى شەشۋ قورعانىس ءمينيسترىنىڭ ەرەكشە باقىلاۋىندا.
وسىعان بايلانىستى قورعانىس ۆەدومستۆوسىنىڭ باسشىسى قاراعاندى قالاسىنىڭ اسكەري بولىمدەرىنىڭ بىرىندە ساربازدار اسحاناسىن جوندەۋ مەرزىمىن ساقتاماعانى ءۇشىن اسكەرلەردى پاتەرلەرگە ورنالاستىرۋ باس باسقارماسىنىڭ باستىعىن قاتاڭ سىنعا الدى. ماسەلە قىزمەت كورسەتۋدىڭ سۋبەكتىسىمەن شارتتى بۇزۋ پروتسەسىندە بولىپ وتىر. نۇرلان ەرمەكباەۆ اسحانانى جوندەۋ ماسەلەسىن قىسقا مەرزىمدە شەشۋدى تالاپ ەتتى.
وتكەن اپتادا قارۋلى كۇشتەر قاتارىن كاسىبي كادرلارمەن تولىقتىرۋ ماسەلەسىن جالعاستىرۋ ءۇشىن قازاقستان رەسپۋبليكاسى مەن رەسەي فەدەراتسياسى اسكەري وقۋ ورىندارىنا ىرىكتەۋ جۇرگىزىلدى.
بۇقارالىق اقپارات قۇرالدارىندا اقتوبە قالاسىنىڭ اۋەجايى ماڭىنداعى اۋدان تۇرعىندارىنان تىكۇشاقتاردىڭ ەلدى مەكەندەرگە جاقىن جەردەن ۇشاتىندىعى تۋرالى شاعىمى جاريالاندى.
ماماندار جۇرگىزگەن تالداۋ بويىنشا باعىتتار زاڭناما تالاپتارىنا سايكەس ازىرلەنگەنىن جانە اۋەجاي جانىندا قالاتىنىن, سونىمەن قاتار, وزگەرتىلمەيتىندىگىن كورسەتتى. شەكتى بيىكتىكتەردە ۇشۋلاردى ورىنداۋ قالادان 70-80 كيلومەتر قاشىقتىقتا ورنالاسقان ايماقتاردا جۇزەگە اسىرىلادى. ايتا كەتۋ كەرەك, وندا ەلدى-مەكەندەر جوق, قۇرىلىستار ازاماتتىق اۆياتسيا كوميتەتىنىڭ رۇقساتىنسىز جانە كەلىسىمىنسىز سالىنعان.
ۆەدومستۆو باسشىسى باس شتاب پەن اسكەري پوليتسيا باس باسقارماسىنىڭ باستىعىنا قۇرامالاردى, اسكەري بولىمدەر مەن مەكەمەلەردى تاۋلىكتىك ناريادتا قىزمەت اتقارۋ ساپاسىنا, كەزەكشىلەردىڭ قىراعىلىعى مەن شتاتتان تىس (داعدارىستىق) جاعدايلار تۋىنداعان كەزدەگى ءىس-قيمىلدارعا دايىندىعىنا ءمان بەرۋگە, ديۆەرسيا مەن تەرروريزمگە قارسى قورعانىستى ۇيىمداستىرۋعا ەرەكشە نازار اۋدارۋ ماسەلەلەرى بويىنشا ىرىكتەپ تەكسەرۋلەردى قولعا الۋدى تاپسىردى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.