بۇعان دەيىن پارلامەنت ءماجىلىسىنىڭ دەپۋتاتى بولعان نۇرلان دۋلاتبەكوۆ "اكادەميك ە.ا.بوكەتوۆ اتىنداعى قاراعاندى ۋنيۆەرسيتەتى" كەاق-نىڭ باسقارما توراعاسى-رەكتورى بولىپ تاعايىندالدى, – دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.
جاڭا باسشىنى قارۋ-دىڭ پروفەسسور-وقىتۋشىلار قۇرامىنا ءبىلىم جانە عىلىم ءمينيسترى اسحات ايماعامبەتوۆ تانىستىردى.
نۇرلان ورىنباسار ۇلى دۋلاتبەكوۆ 1962 جىلى قاراعاندى وبلىسىنىڭ شەت اۋدانىنداعى اقسۋ-ايۋلى اۋىلىندا دۇنيەگە كەلگەن. 1984 جىلى ە.بوكەتوۆ اتىنداعى قارمۋ-دى "قۇقىقتانۋ" ماماندىعى بويىنشا جانە 1992 جىلى قر عىلىم اكادەمياسىنىڭ فيلوسوفيا جانە قۇقىق ينستيتۋتىنىڭ اسپيرانتۋراسىن ءتامامدادى.
زاڭ عىلىمدارىنىڭ دوكتورى, پروفەسسور, قر ۇلتتىق عىلىمدار اكادەمياسىنىڭ مۇشە-كوررەسپوندەنتى, قازاقستان پەداگوگيكا عىلىمدارى اكادەمياسىنىڭ اكادەميگى.
پەداگوگيكالىق قىزمەتىن 1986 جىلى قاراعاندى مەملەكەتتىك ۋنيۆەرسيتەتىنىڭ وقىتۋشىسى رەتىندە باستاعان. ودان كەيىن وسى جوو-نىڭ زاڭ فاكۋلتەتىنىڭ كافەدرا مەڭگەرۋشىسى قىزمەت ەتتى.
1996 جىلدان 2013 جىلعا دەيىن "بولاشاق" قاراعاندى ۋنيۆەرسيتەتىنىڭ رەكتورى بولدى.
قاراعاندى وبلىستىق ءماسليحاتىنىڭ دەپۋتاتتىعىنا ەكى رەت سايلاندى, وبلىستىق ءماسليحاتتىڭ حاتشىسى قىزمەتىن اتقاردى.
2016 جىلدان باستاپ وسى تاعايىنداۋعا دەيىن «نۇر وتان» پارتياسىنان VI-شاقىرىلىمدا قر پارلامەنتى ءماجىلىسىنىڭ دەپۋتاتى, قر پارلامەنتى ءماجىلىسىنىڭ زاڭناما جانە سوت-قۇقىقتىق رەفورما بويىنشا كوميتەت مۇشەسى بولدى.
نۇرلان دۋلاتبەكوۆ 200-دەن استام عىلىمي ەڭبەكتىڭ اۆتورى. «دوستىق» وردەنىنىڭ يەگەرى.