كاتالونيالىق "بارسەلونانىڭ" شابۋىلشىسى ءارى كاپيتانى ليونەل مەسسي كوماندادان كەتۋگە نيەتتى. بۇل تۋرالى Egemen.kz Mundo Deportivo باسىلىمىنا سىلتەمە جاساپ حابارلايدى.
كاپيتان كلۋب باسشىلارىنا فاكس جىبەرىپتى. وندا ول كوماندادان كەتۋگە نيەتتى ەكەنىن ايتقان. كلۋب باسشىلارى فاكستى العانىن راستادى. الايدا كاپيتاندا جىبەرۋگە نيەتتى ەمەس ەكەندەرىن ايتتى. وسىدان ءۇش جىل بۇرىن مەسسي "بارسەلونامەن" 2021 جىلدىڭ جازىنا دەيىن جاڭا كەلىسىمشارت جاساعان. وندا شابۋىلشىنىڭ كەز-كەلگەن ماۋسىمنىڭ سوڭىندا كەلىسىمشارتتى بىرجاقتى بۇزىپ, ءوز ەركىمەن كەتۋى قاراستىرىلعان. بىراق ونداي مۇمكىندىك تەك 10 ماۋسىمعا دەيىن عانا جارامدى ەدى. ەندى كلۋب باسشىلارى وسىنى العا تارتىپ, شابۋىلشىنى ساقتاپ قالماقشى. مەسسي كوماندادان كەتۋ تۋرالى شەشىمدى چەمپيوندار ليگاسىندا "باۆاريامەن" وتكەن ويىننان كەيىن شىعارىپ وتىر. بۇل ويىندا كاتالونيالىق ۇجىم 2:8 ەسەبىمەن ويسىراي ۇتىلدى. تاعى ءبىر سەبەپ - كلۋبتىڭ پرەزيدەنتى. ول جەرار بورتامەۋدىڭ ورنىندا قالعانىنا قارسى. "بارسەلونا" وتكەن اپتادا مەسسيدى تەك 700 ميلليون ەۋروعا ساتاتىنىن جاريالادى. قازىر شابۋىلشىنى اعىلشىندىق "مانچەستەر سيتي", فرانتسيالىق پسج" جانە يتاليالىق "ينتەر" كوماندالارى ءوز قاتارىندا كورگىسى كەلەدى. مەسسي - "بارسەلونا" تالىمگەرى. ول كومانداعا 2000 جىلى قوسىلىپ, بۇكىل كارەراسىن وسى ۇجىمدا وتكىزگەن. بيىل شابۋىلشى 44 كەزدەسۋگە قاتىسىپ, 31 گول سوعىپ, 26 گولدىق پاس بەردى.