شقو ەنەرگەتيكا جانە تكش باسقارماسى باسشىسى داۋلەت باتىرباەۆتىڭ مالىمەتىنشە, بۇگىنگى كۇنى وڭىردەگى الەۋمەتتىك نىسانداردى جىلىتۋ ماۋسىمىنا دايىنداۋ جۇمىستارى قارقىندى جۇرگىزىلۋدە. دەنساۋلىق ساقتاۋ نىساندارى 79%, ءبىلىم بەرۋ نىساندارى 76%, الەۋمەتتىك قورعاۋ نىساندارى 82%, تۇرعىن ۇيلەر 63% دايىن.
ەڭ باستىسى, جىلۋ كوزدەرى مەن تىرشىلىكتى قامتاماسىز ەتۋ نىساندارىن وتىنمەن قامتۋعا باسا نازار اۋدارىلۋدا.
وبلىستاعى جەتس پەن جىلۋ كوزدەرىندە 342 مىڭ توننا نەمەسە 165% ەكسپلۋاتاتسيالىق قور جينالعان. جەتكىزۋ كەلىسىمشارتقا سايكەس جۇرگىزىلەدى.
بيۋدجەتتىك ۇيىمدارعا كومىردى جەتكىزۋ شىلدە ايىندا باستالدى. جالپى قاجەتتىلىك قورى 132,1 مىڭ توننانى قۇرايدى. قازىرگى ۋاقىتتا 85 مىڭ توننا نەمەسە 62% جەتكىزىلگەن.
تۇرعىنداردى جىلىتۋ ماۋسىمىندا كومىرمەن قامتاماسىز ەتۋ ءۇشىن 1123,6 مىڭ توننا قاجەت. قازىر 695,8 مىڭ توننا كومىر نەمەسە 62% جەتكىزىلدى.
19 تامىزداعى دەرەكتەرگە سايكەس, وبلىستاعى تەمىرجول تۇيىقتارىندا 38,3 مىڭ توننا كومىر بار. وبلىس تۇرعىندارى ءۇشىن كومىردىڭ ورتاشا باعاسى 12 500 تەڭگە.
جىلىتۋ ماۋسىمىنا دايىندىق ۇنەمى باقىلاۋدا ۇستالىنىپ وتىر.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.