دانا ابايدىڭ عيبراتتى قارا ءسوزىن جاتقا ايتاتىندار كوپ. سونىڭ ءبىرى – اسىلىم ىزعالي. اتىراۋ قالاسىنداعى №40 ورتا مەكتەپتىڭ 5-سىنىبىنا باراتىن ول ساباقتان تىس ۋاقىتتا قازاق اقىن-جازۋشىلارىنىڭ شىعارمالارىن وقىعاندى ۇناتادى. جاقىندا اقىننىڭ قارا سوزدەرىنەن ءۇزىندى وقىپ, سىنىپتاستارىنا چەللەندج رەتىندە جولدادى.
ۇلى ويشىلدىڭ ولەڭدەرى مەن قارا سوزدەرىن تۇگەلگە دەرلىك جاتقا ايتادى. قازاق ەرتەگىلەرىن دە بىلەدى. بي ۇيىرمەسىنە قاتىسادى. «جايىق قىزى» بي ءانسامبلىنىڭ قۇرامىندا «قازاقستان تالانتتارى» ءى رەسپۋبليكالىق رۋحاني-پاتريوتتىق بايقاۋىنا قاتىسىپ, ءبىرىنشى دارەجەلى ديپلوممەن ماراپاتتالعان.
– ابايدىڭ شىعارمالارى – ماڭگىلىك مۇرامىز. العاش رەت اقىن شىعارمالارىمەن تانىستىرىپ, كوركەم ءسوز وقۋعا باۋلىعان ۇستازدارىم اينۇر يساعاليەۆا مەن زويا مەڭدىعاليەۆا بولاتىن. قىزىلقوعا اۋدانىنىڭ قاراباۋ ورتا مەكتەبىندە تاريح پانىنەن ءدارىس بەرەتىن ىزعالي اتام ەل تاريحىمەن, ادەبي شىعارمالارمەن كەڭىرەك تانىسقانىمىزدى قالايدى. اسىرەسە ۇلى اقىن ابايدىڭ ولەڭدەرى مەن قارا سوزدەرىن جاتقا ايتىپ ءجۇرمىن, – دەيدى اسىلىم ىزعالي.
اتىراۋ وبلىسى