حاكىمنىڭ ىزگى مۇراتىن جالعاستىرۋ – باستى مىندەت

قازاقستان پەداگوگيكالىق عىلىمدار اكادەمياسىنىڭ كوررەسپوندەنت مۇشەسى, «ى.التىن­سارين», «قۇرمەت» وردەندەرىنىڭ يەگەرى احات نۇرتاس احات ۇلى باس­تاعان ج.مۋسين اتىنداعى كوك­شەتاۋ جوعارى قازاق پەدا­گوگيكالىق كوللەدجى «اباي مۇرا­سى جانە قازىرگى ءبىلىم بەرۋ» تا­­قى­رىبىندا حالىقارالىق عى­­لىمي-پراكتيكالىق كونفەرەن­تسيا وتكىزۋدى كەشەندى ءبىلىم باع­دارلاماسىنا ەنگىزگەن بولاتىن. وبلىستىق ءبىلىم باسقارما­سى­نىڭ جۇمىس جوسپارىنا, كەيىن ءبىلىم جانە عىلىم مينيسترلىگىنىڭ 2020 جىلعا ارنالعان ءىس-شارالار جوسپارىنا ۇسىنىلعان باستاما قولداۋ تاۋىپ, مينيسترلىك تاراپىنان كەلىسىمگە يە بولدى. 

حالىقارالىق عىلىمي-پراك­تي­كالىق كونفەرەنتسيا ار­قىلى قازاق حالقىنىڭ ۇلى اقىنى, سازگەر, فيلوسوف, اعارتۋشى, قازاق­­تىڭ جازبا ادەبيەتىنىڭ نەگى­زىن قالاۋشى ۇلى حاكىمنىڭ مول مۇراسىن, ءبىلىم جانە عىلىمعا, ۇلتتىق قۇندىلىقتارعا قاتىستى كوزقاراستارىن جاڭا زاماننىڭ تالاپتارىنا ساي زەردەلەۋ جانە بولاشاق ۇرپاققا ناسيحاتتاۋ ماقسات ەتىلدى. قازاقستانداعى جا­ڭار­­تىلعان ءبىلىم بەرۋ ماز­مۇنىنا بايلانىستى مەكتەپكە دەيىنگى تاربيە جانە وقىتۋ, باس­تاۋىش ءبىلىم بەرۋ, نەگىزگى ءبىلىم بەرۋ, تەحنيكالىق جانە كاسىپتىك ءبىلىم بەرۋ ماسەلەلەرىن تالقىلاۋ كوزدەلدى.

حالىقارالىق ءبىلىم بەرۋ وكىلدەرىنىڭ تىكەلەي قاتىسۋىمەن كەڭ فورماتتا جوبالانعان عى­لىمي-پراكتيكالىق كونفەرەن­تسيا قازىرگى ەلىمىزدەگى COVID-19 كوروناۆيرۋس ىندەتىنە بايلانىس­تى قاتاڭ كارانتيندىك شا­را­­لار­دىڭ جۇرگىزىلۋىنە وراي ونلاين رەجىمىندە قاشىقتان وت­­كىزىلدى. ZOOM پلاتفورماسى ارقىلى تىكەلەي بەينەبايلانىس فور­ماتىندا وتكەن كونفەرەن­تسيا­نى كوللەدج ديرەكتورى نۇرتاس احات ۇلى جۇرگىزىپ وتىر­دى. ونلاين-كونفەرەنتسيا اقمولا وبلىسى اكىمىنىڭ ورىنباسارى مالعاجدار تاتكەەۆ, ءبىلىم جانە عىلىم مينيسترلىگىنىڭ مەكتەپكە دەيىنگى جانە ورتا ءبىلىم كوميتەتىنىڭ ءتورايىمى مايرا مەلدەبەكوۆا جانە وبلىستىق ءبىلىم باسقارماسىنىڭ باسشىسى بەيبىت ءجۇسىپوۆتىڭ قۇتتىقتاۋ سوز­دەرىمەن باستالدى. پلەنارلىق ماجى­لىستە ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ الەۋمەتتىك-مادەني دامۋ جو­نىندەگى پرورەكتورى, فيلولو­گيا عىلىمدارىنىڭ دوكتورى, پرو­فەسسور, ۇلتتىق عىلىم اكادە­ميا­­سىنىڭ اكادەميگى ديحان قام­­زا­بەك ۇلى, باشقۇرتستان رەس­پۋب­لي­كاسىنىڭ «سيباي پەداگو­گي­كالىق كوللەدجىنىڭ» وكبب مم ديرەكتورى, پەداگوگيكا عى­لىم­دارىنىڭ كانديداتى, دو­تسەنت يلدار حاميتوۆ, ج.بالا­ساعۇن اتىنداعى قىرعىز ۇلتتىق ۋني­ۆەرسيتەتىنىڭ كاسىپتىك كوللەدج ديرەكتورى, ەكونوميكا عى­لىم­­دارىنىڭ كانديداتى, دوتسەنت اسكار اكماتوۆ, م.اۋەزوۆ اتىنداعى پەداگوگيكالىق كوللەدج ديرەكتورى, فيلولوگيا عى­لىم­دارىنىڭ كانديداتى, قازاق­ستان پعا كوررەسپوندەنت مۇشەسى شاعانگۇل جاناەۆا, ش.ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىنىڭ ستراتەگيا جانە ينفراقۇرىلىمدى دامىتۋ جو­نىندەگى پرورەكتورى, گەولوگيا-مينەرالوگيا عىلىمدارىنىڭ كان­ديداتى, قازاقستان حالىقارالىق اقپاراتتاندىرۋ اكادەمياسىنىڭ مۇشەسى, رەسەي جاراتىلىستانۋ اكادەمياسىنىڭ پروفەسسورى تەمىرحان جارقىنبەكوۆ, قازاق­ستان رەسپۋبليكاسى پەدا­گو­گي­كالىق عىلىمدار اكادە­ميا­سى­نىڭ پرەزيدەنتى, پەداگوگيكا عىلىم­دارىنىڭ دوكتورى, پروفەسسور اسقاربەك قۇسايىنوۆ سىندى عالىمدار قاتىستى. پلەنارلىق ءماجىلىس سوڭىندا سيباي پەدا­گو­گيكالىق كوللەدجى جانە ج.با­لاساعۇن اتىنداعى قىرعىز ۇلت­تىق ۋنيۆەرسيتەتىنىڭ كاسىپ­­تىك كوللەدجدەرىمەن ىنتىماق­تاس­تىق ورناتۋ ماقساتىندا مەمو­راندۋمدارعا قول قويۋ ءراسىمى ءوتتى. بۇل – بولاشاقتا ج.مۋسين اتىن­داعى كوكشەتاۋ جوعارى قازاق پەداگوگيكالىق كوللەدجىنىڭ حالىق­ارالىق قارىم-قاتىناس جۇيە­سىن ودان ءارى جەتىلدىرۋ ماق­ساتىندا جاسالىپ وتىرعان يگى قادام.

كونفەرەنتسيانىڭ «كاسىپتىك ءبىلىم بەرۋ: تاجىريبە جانە پەرسپەكتيۆالارى», «عىلىم, ءبىلىم جانە يننوۆاتسيا», «اباي تاعىلىمى – ادامي قۇندىلىقتار ولشەمى» اتتى سەكتسيالىق جۇمىستارىندا ساحا رەسپۋبليكاسىنىڭ ياكۋتيا مەديتسينالىق كوللەدجى, التاي رەسپۋبليكاسى, ش.ءۋاليحانوۆ اتىن­داعى كوكشەتاۋ مەملەكەت­تىك ۋنيۆەرسيتەتى جانە رەسپۋب­ليكامىزدىڭ پەداگوگيكالىق كوللەدجدەرىنىڭ وقىتۋشىلارى مەن ستۋدەنتتەرى بايانداما وقىپ, تىڭداۋشىلاردىڭ ىستىق ىقىلا­سىنا يە بولدى.

جالپى سانى 400-گە جۋىق قا­­تىسۋ­­شى قامتىلعان ون­لاين-كونفەرەنتسيا بارىسىن­دا ۇلى ابايدىڭ رۋحاني مۇرا­سى, ءبى­لىم جانە عىلىمعا, ۇلت­تىق قۇن­د­ىلىقتارعا قاتىستى كوز­قاراس­­تارى تالقىلاندى. قازاق­ستانداعى جاڭارتىلعان ءبىلىم بەرۋ مازمۇنىنا بايلانىستى مەكتەپكە دەيىنگى تاربيە جانە وقىتۋ, باس­تاۋىش ءبىلىم بەرۋ, نەگىزگى ءبىلىم بەرۋ, تەحنيكالىق جانە كاسىپتىك ءبىلىم بەرۋدىڭ وزەكتى ماسەلەلەرى تالداندى. ەلى­مىزدەگى قولدانبالى باكا­لاۆ­رياتتىڭ كونتسەپتۋالدى تاسىل­دەرى مەن ۇستانىمدارىن سارالاي وتىرىپ, جوعارى ءبىلىم بەرۋ مەن تەحنيكالىق جانە كاسىپ­تىك ءبىلىم بەرۋدىڭ كاسىبي باعدارلا­مالارىنىڭ ينتەگراتسياسىن قام­تاماسىز ەتەتىن قولدانبالى باكالاۆريات باعدارلامالارىن ەن­گىزۋ جولدارى قاراستىرىلدى. ءبىلىم بەرۋدىڭ ماسەلەلەرى شەتەل­دىك ءبىلىم جۇيەسىمەن سالىستىرا تال­قى­لانىپ, بۇگىنگى جاعدايداعى قاشىق­تان وقىتۋدىڭ باستى پروب­لە­مالارى زەردەلەندى.

ورشىگەن ىندەتكە بايلا­نىس­تى جاڭاشا فورماتتا وتكەن كەلەلى جيىندا ءداستۇرلى انشىلەر توبىنىڭ «ابايعا ارناۋ» ءانى­­نىڭ, «سامعاۋ» ستۋدەنتتەردىڭ بىرىك­كەن حورىنىڭ «ابايعا جۇگىن, ادامزات» اتتى جاڭا ءانىنىڭ, «ناركەسكەن» ەر بالالار حورىنىڭ ورىنداۋىندا «اباي-گيمالاي» ءانىنىڭ تۇساۋكەسەر بەينەبايانى كورسەتىلدى. نۇرتاس احات ۇلىنىڭ باستاماسىمەن ۇسىنىلعان بەينەبايان قالىڭ تىڭدارمانعا ەرەكشە اسەر ەتىپ, حالقىمىزدىڭ ۇلى پەرزەنتىنە دەگەن ماقتانىش سەزىمىن وياتىپ, جۇرەكتىڭ قىلىن شەرتكەندەي بولدى.

بۇعان قوسا, كونفەرەنتسيا ايا­سىن­دا كوللەدجدىڭ 30 جىل­دى­عى­نا ارنالعان «تاۋەلسىز­دىك­­پەن تاعدىرلاس ءبىلىم ورداسى» ات­تى ەن­تسيكلوپەديالىق-البوم­دىق كى­­­تاپ پەن فيلولوگيا عىلىم­دا­رى­­نىڭ كانديداتى, قازاقستان پە­­دا­­گوگيكالىق عىلىمدار اكا­دە­مياسىنىڭ كوررەسپوندەنت مۇشەسى ايان قاجىبايدىڭ ء«سوز قۇدىرەتى» اتتى كىتابى جارىققا شىقتى. كوكشەتاۋ ولكەسىنىڭ كاسىپتىك ءبىلىم بەرۋىنىڭ باستا­ۋىندا تۇرعان وقۋ ورنىنىڭ تاريحىنا ارنالعان العاشقى ەڭ­بەك­تە كوللەدجدىڭ كەڭەستىك كەزەڭى (1920-1955 جج.) جانە قايتا قۇ­رىلعان 1990 جىلدان باستاپ قازىرگى ۋاقىتقا دەيىنگى عۇمىرى قامتىلعان. ءبىلىم ورداسى تۋرالى مۇراعات جانە فوتو قۇجاتتاردى, وقىتۋشىلار مەن تۇلەكتەردىڭ ەستەلىكتەرىن نەگىزگە الا وتىرىپ قۇراستىرىلعان جيناقتا كوللەدجدىڭ ءبىلىم جانە تاربيە بەرۋ ەرەكشەلىكتەرىنە, باسقارۋ قۇرىلىمى مەن جەتىستىكتەرىنە ۇلكەن ءمان بەرىلگەن. ال ء«سوز قۇدىرەتى» اتتى عىلىمي ەڭبەكتە قازاق جانە ورىس ءتىلىن تەڭ دارە­جەدە مەڭگەرگەن ادەبيەتشى-عالىم, پەداگوگ-ۇستاز ايان تولە­گەن­­ ۇلىنىڭ تاڭداۋلى عىلىمي زەرتتەۋلەرى, ادەبي سىن وي-تول­عام­­دارى, عىلىمي-كوپشىلىك ماقا­لالارى جانە ەسسەلەرى ەنگەن.

حالىقارالىق عىلىمي-پراك­­­تي­كالىق كونفەرەنتسياعا «كورمە-30: كاسىپتىك-پەدا­گوگي­كالىق بىلىمدەگى زاماناۋي پارا­ديگما» پەداگوگيكالىق ۆەر­نيساجىنىڭ شاعىن فورماتى جاسالدى. «مەكتەپكە دەيىنگى ءبىلىم بەرۋدىڭ پراكتيكالىق الاڭى», «يننوۆاتسيالىق تەحنولوگيا ورتالىعى», «عىلىم. ىزدەنىس. تاجىريبە», «شىعارماشىلىق ەركىندىك ورتالىعى» اتتى جۇمىس ايماقتارىنان تۇراتىن كورمە زاماناۋي ۇلگىدە ازىرلەندى.

ۇلتتىق مۇرامىزدىڭ باستاۋىندا تۇرعان ۇلى ابايدىڭ حالىق­ارالىق دەڭگەيدە ناسيحاتتالۋى وسكەلەڭ ۇرپاقتىڭ بويىندا ءىز قالدىرارى انىق. حاكىمنىڭ ىزگى مۇراتىن جالعاستىرۋ – باستى مىندەتىمىز!

كوكشەتاۋ