قازىرگى ۋاقىتتا كوروناۆيرۋستىق ينفەكتسيادان 10 597 ادام ەم قابىلداۋدى جالعاستىرۋدا. بۇل تۋرالى Egemen.kz كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ Telegram ارناسىنا سىلتەمە جاساپ حابارلايدى.
"قازىرگى ۋاقىتتا كوروناۆيرۋستىق ينفەكتسيادان 10 597 ادام ەم قابىلداۋدى جالعاستىرۋدا. ولاردىڭ اراسىندا 52 وسكىنشەك بالا بار. ستاتسيونارلاردا 5 673 ناۋقاس جاتىر. 4 924 ادام امبۋلاتوريالىق جاعدايدا ەمدەلۋدە. جالپى ناۋقاستاردىڭ اراسىندا 309 ادامنىڭ احۋالى ناشار. سونىڭ ىشىندە 70 ناۋقاستىڭ احۋالى اسا قاتتى اۋىر دەپ باعالانۋدا. 50 ناۋقاس وكپەنى جاساندى جەلدەتۋ اپپاراتىندا جاتىر", - دەلىنگەن حابارلامادا.
COVID-19 بەلگىلەرى بار پنەۆمونيانىڭ 84 جاعدايى تىركەلدى, 2 جاعداي ولىممەن اياقتالدى. ءبىر تاۋلىك ىشىندە 823 ادام جازىلىپ شىققان.
1-24 تامىز ارالىعىندا ناۋقاستار سانى - 22774-كە جەتتى, ءولىم جاعدايلارى - 258, بارلىعى 4519 ادام ساۋىعىپ شىقتى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.