الماتىدا اۋە پاترۋلدەرىن پوليتسيا قىزمەتكەرلەرى قالاداعى جولداعى جاعدايدى تالداۋ, سونداي-اق جول ەرەجەلەرىن بۇزۋ اكتىلەرىن انىقتاۋ ءۇشىن قولدانادى, – دەپ حابارلايدى Egemen.kz Polisia.kz سايتىنا سىلتەمە جاساپ.
– جاۋىنگەرلىك بولىمدەردىڭ جەكە قۇرامىنىڭ اراسىندا بىردەن بىرنەشە پاترۋلدەر قۇرىلدى, ولاردىڭ كومەگىمەن ءبىز, ەڭ الدىمەن, قالادا ءتارتىپتى ساقتايمىز. ازىرشە ولار ۇلكەن كەپتەلىسى بار اۆتوكولىك جولدارىندا قىزمەت ەتۋدە, كەيىنىرەك ەكىنشى رەتتى ۋچاسكەلەرگە اۋىستىرىلادى, بۇل كولىك اعىندارىن جەڭىلدەتۋگە مۇمكىندىك بەرەدى. كەپتەلىستەر, قوزعالىسقا كەدەرگى كەلتىرەتىن كۇتپەگەن جاعدايلار (بۇزىلۋ, جول-كولىك وقيعالارى جانە ت.س.س.) – بۇل فاكتورلار درونداردىڭ جۇمىسىن ارقىلى بەلگىلى بولادى. ولاردى جويۋ بويىنشا جەدەل شارالار قابىلدانادى. سونىمەن قاتار, ماڭىزدى ءبىر بولشەكتى اتاپ ءوتۋ كەرەك: ءدال وسى تەحنيكا قاراما-قارسى باعىتتاعى جولعا شىعىپ ءجۇرۋدى ءجون سانايتىن, بەلگىلەردى, جول بەلگىلەرىن, مانەۆر جاساۋ ەرەجەلەرىن بۇزاتىن, توتەنشە جاعداي تۋعىزاتىن جانە ت.ب.انىقتايدى. بۇزاقىلار تۋرالى بارىنشا كوپ اقپارات تاراتادى, ناتيجەسىندە جاقىن ماڭداعى پاترۋلدىك ەكيپاج دەرەۋ دابىلعا جاۋاپ بەرىپ, قاماۋعا الۋ شارالارىن قولدانادى, – دەدى الماتى قالالىق پد اكىمشىلىك پوليتسيا باسقارماسىنىڭ باستىعى جاندوس مۇراتاليەۆ.سونداي-اق, سپيكەر ۇشاتىن قۇرىلعىداعى سۋرەتتەردىڭ ساقتالىپ, قاجەت بولعان جاعدايدا قۇقىق بۇزۋشىلىقتىڭ دالەلى بولا الاتىندىعىن اتاپ ءوتتى.