قازاقستان رەسپۋبليكاسى مەملەكەتتىك قىزمەت ىستەرى اگەنتتىگىندە Zoom بايلانىسى ارقىلى مەملەكەتتىك قىزمەت سالاسىندا جوبالىق باسقارۋدى قولدانۋ ماسەلەلەرىن تالقىلاۋ بويىنشا ونلاين كونفەرەنتسيا ءوتتى, دەپ حابارلايدى Egemen.kz.
تالقىلاۋعا قر پرەزيدەنتى اكىمشىلىگىنىڭ مەملەكەتتىك باسقارۋ ءبولىمىنىڭ مەڭگەرۋشىسى ء التايىر احمەتوۆ, مەملەكەتتىك قىزمەت ىستەرى اگەنتتىگىنىڭ اپپارات باسشىسى بازارالى باقتىگەرەەۆ, مەملەكەتتىك قىزمەت سالاسىنداعى وڭىرلىك حابتىڭ باسقارۋشى كوميتەتىنىڭ توراعاسى ءاليحان بايمەنوۆ, ۇلتتىق ەكونوميكا مينيسترلىگى جوبالىق باسقارۋ دەپارتامەنتىنىڭ ديرەكتورى يلونا شۆارتسكوپف, قر پرەزيدەنتى جانىنداعى مەملەكەتتىك باسقارۋ اكادەمياسىنىڭ مەملەكەتتىك باسقارۋداعى جوبالىق مەنەدجمەنتتى دامىتۋ ورتالىعىنىڭ باسشىسى ارمان ەۆنيەۆ جانە اتالعان اكادەمياعا قاراستى كاسىبي دامۋ ينستيتۋتىنىڭ ديرەكتورى مارگاريتا قادىروۆا قاتىستى.
كونفەرەنتسياعا قاتىسۋشىلار مەملەكەتتىك قىزمەت سالاسىندا جوبالىق باسقارۋدى قولدانۋدىڭ ارتىقشىلىقتارىن تالقىلادى, سونداي-اق نازار اۋدارۋدى قاجەت ەتەتىن ماسەلەلەردى ورتاعا سالدى.
كونفەرەنتسيانى اشقان قر پرەزيدەنتى اكىمشىلىگىنىڭ مەملەكەتتىك باسقارۋ ءبولىمىنىڭ مەڭگەرۋشىسى ءالتايىر احمەتوۆ ۋاقىت تالابىنا سايكەس مەملەكەتتىك باسقارۋعا جاڭا تاسىلدەردى ەنگىزۋدىڭ ماڭىزدىلىعىن اتاپ ءوتتى. مەملەكەتتىك باسقارۋدىڭ جاڭا تۇجىرىمداماسىنىڭ يدەولوگياسى اكىمشىلەندىرۋ مودەلىنەن سەرۆيستىك مودەلگە كوشۋگە باعىتتالعانىن ايتتى.
"كەز-كەلگەن ۇيىمدا ەكى نەگىزگى قىزمەت ءتۇرى بار: وپەراتسيالىق جانە جوبالىق قىزمەت. وپەراتسيالىق-بۇل كۇندەلىكتى, قايتالاناتىن, تەحنولوگيالىق قىزمەت. بۇل تۇجىرىمداما اياسىندا ءبىز ونى دامىتۋ جانە جەتىلدىرۋ قاجەت ۇدەرىستىك ءتاسىل رەتىندە قاراستىرامىز. قازىر ءبىز مەملەكەتتىك قىزمەتتەگى بيزنەس-پروتسەستەردى وڭتايلاندىرۋ جانە اۆتوماتتاندىرۋ مۇمكىندىگىن قاراستىرۋدامىز. بۇل, ءبىزدىڭ ويىمىزشا, مەملەكەتتىك قىزمەتشىلەردىڭ ۋاقىتىن حالىقپەن ساپالى ءوزارا ءىس-قيمىلعا باعىتتاۋعا سەرپىن بەرەدى. ەگەر جوبالىق باسقارۋ تۋرالى ايتاتىن بولساق, ءبىز مەملەكەتتىك باسقارۋداعى پروبلەمالاردىڭ رەەسترىن جاسادىق, ولاردىڭ شەشىمىن جوبالىق تۇرعىدان كورىپ وتىرمىز", دەپ اتاپ ءوتتى ءا.احمەتوۆ.
مقىا اپپارات باسشىسى بازارالى باقتىگەرەەۆ جوبالىق باسقارۋدى ەنگىزۋ بويىنشا مەملەكەتتىك قىزمەت سالاسىنداعى ۋاكىلەتتى ورگان جۇرگىزەتىن جۇمىستارعا توقتالىپ ءوتتى. اپپارات باسشىسىنىڭ ايتۋىنشا, قازىرگى ۋاقىتتا اگەنتتىك مەملەكەتتىك اپپاراتتى جوبالىق باسقارۋ سالاسىنا بەيىمدەۋ باعىتىنداعى كەدەرگىلەردى جويۋ بويىنشا ءتيىستى جۇمىستار اتقارۋدا.
ء"ىس جۇزىندە جوبانى باسقارۋدا ءوزارا ءىس-قيمىل ماڭىزدى ءرول اتقارادى. قازىر اگەنتتىك ء«وزارا ءىس-قيمىلدى» دامىتۋ ماقساتىندا ۇيىمداستىرۋشىلىق ورتانى وزگەرتۋ بويىنشا جۇمىستاردى جۇزەگە اسىرۋدا. ءار ءتۇرلى قىزمەتتەردىڭ, دەپارتامەنتتەردىڭ جانە ت. ب. مامانداردىڭ ءوزارا بايلانىسى, ىنتىماقتاستىعى ءۇشىن جاعداي جاسالۋدا. ءبىزدىڭ بارلىعىمىزدىڭ ماقساتىمىز ءبىر, ءبىز سىندارلى ءوزارا ءىس –قيمىلدى ءبىر جۇيەگە قويا الساق, وندا بۇل جوبالىق باسقارۋدى دامىتۋعا ودان ءارى سەپتىگىن تيگىزەدى", دەپ اتاپ ءوتتى ب.باقتىگەرەەۆ.
بۇدان باسقا, ب.باقتىگەرەەۆ اگەنتتىك جوبالىق باسقارۋ باعىتىندا ىسكە اسىرىپ جاتقان "i-kyzmet" جوباسى تۋرالى ەگجەي-تەگجەيلى ايتىپ بەردى.
"بۇل جوبا مەملەكەتتىك قىزمەتشىلەرگە كۇندەلىكتى, قايتالاناتىن جانە ءتۇرلى تۇيىتكىلدەردەن ارىلۋعا مۇمكىندىك بەرەدى. ياعني, مەملەكەتتىك اپپارات كادرلىق وزىنە - ءوزى قىزمەت كورسەتۋگە كوشەدى جانە ءىس جۇزىندە ماڭىزدى ىستەرگە كوپ كوڭىل بولۋگە مۇمكىندىك بەرەدى", دەدى مقىا اپپارات باسشىسى.
سونداي-اق, اگەنتتىكتىڭ مەملەكەتتىك ورگاندارمەن بىرلەسىپ جوبالىق باسقارۋدى ەنگىزۋ بويىنشا جۇمىسى جالعاساتىنى اتاپ ءوتىلدى.
ءوز كەزەگىندە, ۇلتتىق ەكونوميكا مينيسترلىگىنىڭ دەپارتامەنت ديرەكتورى يرينا شۆارتسكوپف جوبالىق باسقارۋدىڭ نورماتيۆتىك-قۇقىقتىق بازاسىن ەنگىزۋ بويىنشا جۇمىس بارىسى تۋرالى ءسوز سويلەدى.
"جوبالىق ءتاسىلدى مەملەكەتتىك جوسپارلاۋ جۇيەسىندە قۇجاتتى ىسكە اسىرۋعا ەنگىزۋ ۇسىنىلادى. جوبالىق باسقارۋدىڭ كومەگىمەن ءبىز جۇيەلى رەفورمالاردى (مەملەكەتتىك باعدارلامالار, وڭىرلەردى دامىتۋ باعدارلامالارى) ىسكە اسىرۋدى جانە ىشكى اكىمشىلىك راسىمدەردى جاقسارتۋدى كورىپ وتىرمىز. بۇگىن اكىمشىلىك راسىمدەر تۋرالى زاڭعا تۇزەتۋلەر ەنگىزۋ ۇسىنىلادى, ويتكەنى جوبالىق قىزمەت ءبىرىنشى كەزەكتە زاڭنامالىق اكت دەڭگەيىندە رەتتەلۋى جانە مەملەكەتتىك ورگانداردىڭ قۇزىرەتىندە جازىلۋى ءتيىس", دەدى سپيكەر.
ونلاين كونفەرەنتسيادا مەملەكەتتىك باسقارۋ اكادەمياسىنىڭ مەملەكەتتىك باسقارۋداعى جوبالىق مەنەدجمەنتتى دامىتۋ ورتالىعىنىڭ باسشىسى ارمان ەۆنيەۆ ءوزى باسقاراتىن ينستيتۋتپەن جۇزەگە اسىرىلىپ جاتقان جوبالار تۋرالى اڭگىمەلەدى. ا.ەۆنيەۆتىڭ ايتۋىنشا, اعىمداعى جىلدىڭ قازان ايىندا مەملەكەتتىك سەكتور ءۇشىن جوبالىق باسقارۋ بويىنشا ۇلتتىق كونكۋرس وتكىزۋ جوسپارلانۋدا.
"بۇل بايقاۋ جوبالىق باسقارۋدى دامىتۋعا جانە مەملەكەتتىك سەكتورعا ءتۇرلى جوبالاردى ىسكە اسىرۋعا ىقپال ەتۋگە سەرپىن بەرەدى. بايقاۋدى ءبىز ءۇش نوميناتسيا بويىنشا وتكىزۋدى جوسپارلاپ وتىرمىز: ۇزدىك جوبا, جىل جوباسىنىڭ ۇزدىك مەنەدجەرى, باعدارلامانى جۇزەگە اسىرۋدىڭ ۇزدىك ءوفيسى", دەدى ا.ەۆنيەۆ.
مەملەكەتتىك باسقارۋ اكادەمياسىنىڭ كاسىبي دامۋ ينستيتۋتىنىڭ ديرەكتورى مارگاريتا قادىروۆانىڭ ايتۋىنشا, مەملەكەتتىك باسقارۋ جۇيەسىنە جوبالىق مەنەدجمەنتتى ەنگىزۋدىڭ ساتتىلىگى كوبىنەسە مەملەكەتتىك ورگانداردىڭ كادرلىق قۇرامىنىڭ بىلىكتىلىك دەڭگەيىنە, مەملەكەتتىك قىزمەتشىلەردىڭ بەلگىسىزدىك جاعدايىندا كۇردەلى ماسەلەلەردى شەشۋدە جوبالىق باسقارۋ قۇرالدارىن ساۋاتتى پايدالانۋ قابىلەتى مەن دايىندىعىنا بايلانىستى بولىپ تابىلادى.
وسىعان بايلانىستى, اكادەميا ءبىلىم بەرۋ پروتسەسىنە جاڭاشىلدىقتار ەنگىزدى, بۇل 3000-نان استام مەملەكەتتىك قىزمەتكەردى بىلىكتىلىگىن ارتتىرۋ سەمينارلارى مەن قايتا دايارلاۋ كۋرستارى شەڭبەرىندە جوبالىق مەنەدجمەنتتى وقىتۋعا مۇمكىندىك بەردى.
سونىمەن قاتار, مەملەكەتتىك قىزمەت سالاسىنداعى وڭىرلىك حابتىڭ باسقارۋشى كوميتەتىنىڭ توراعاسى ءاليحان بايمەنوۆ قازاقستاننىڭ مەملەكەتتىك باسقارۋ جۇيەسىنە جوبالىق مەنەدجمەنتتى ەنگىزۋدىڭ ءرولى مەن تاريحى تۋرالى پىكىرىمەن ءبولىستى.
"جوبالىق باسقارۋدى ەنگىزۋ جۇمىستارىن ءبىز 2013 جىلى باستادىق. ول كەزدە مەملەكەتتىك قىزمەت ىستەرى اگەنتتىگى جوبالىق باسقارۋدى دامىتۋ باعىتتارىن انىقتاپ, وسى سالادا العاشقى سەرتيفيكاتتالعان جاتتىقتىرۋشىلاردى دايىندادى.جالپى العاندا, جوبانى باسقارۋ وپەراتسيالىق بلوكتىڭ بولىگى بولىپ تابىلادى. قازىر كوپتەگەن ەلدەر جوبالىق مەنەدجمەنتتى دامىتۋعا ەرەكشە كوڭىل بولۋدە. بۇل وتە ءتيىمدى قۇرال", دەدى ءا.بايمەنوۆ.
ءسوز سوڭىندا ول جوبالىق باسقارۋ مەملەكەتتىك قىزمەت جۇيەسىندەگى ماڭىزدى مىندەتتەردى شەشۋدىڭ اجىراماس قۇرالىنا اينالاتىنىنا سەنىم ءبىلدىردى.
كونفەرەنتسيا قورىتىندىسى بويىنشا قاتىسۋشىلار جوبالىق باسقارۋ اشىقتىقتى قامتاماسىز ەتۋگە, ەسەپتىلىكتى بولدىرماۋعا, مەملەكەتتىك ورگاندار اراسىندا ىنتىماقتاستىق قۇرۋعا مۇمكىندىك بەرەتىن جانە العا قويىلعان ماقساتتارعا قول جەتكىزۋدىڭ ءتيىمدى قۇرالدارىنىڭ ءبىرى بولىپ تابىلاتىنىن اتاپ ءوتتى.