"رەسپۋبليكالىق بيۋدجەت تۋرالى" زاڭ جوباسىندا 2021 جىلعا ارنالعان دوللاردىڭ تەڭگەگە شاققانداعى ەسەپتىك باعامى جوسپارلانعان, دەپ حابارلايدى Egemen.kz Tengrinews.kz سايتىنا سىلتەمە جاساپ.
"2021 جىلعا ارنالعان بولجامى 86,0 مميلليون توننا مۇنايدى ءوندىرۋ كولەمىنە جانە مۇناي باررەلىنە 35 دوللار الەمدىك باعا مەن اقش دوللارىنا شاققاندا تەڭگە باعامى 420 تەڭگەگە سۇيەنە وتىرىپ سانالدى جانە 1,95 مىڭ تەڭگە بولدى", - دەلىنگەن تالقىلاۋداعى زاڭ جوباسىندا.
سونىمەن قاتار, مۇناي سەكتورى ۇيىمدارىنان تۇسەتىن تۇسىمدەر اقش دوللارىنا شاققاندا تەڭگە باعامىنىڭ 415-تەن 420 تەڭگەگە دەيىن ۇلعايۋى ەسەبىنەن 12 200 000 مىڭ تەڭگەگە كوبەيەدى.
زاڭ جوباسىندا قازاقستان رەسپۋبليكاسىنىڭ پرەزيدەنتى ايقىنداعان ماقساتتارعا ۇلتتىق قوردان رەسپۋبليكالىق بيۋدجەتكە ءبىر تريلليون تەڭگە سوماسىندا نىسانالى ترانسفەرتتىڭ 2021 جىلعا ارنالعان جوسپارلارى تۋرالى حابارلانادى.
سونداي-اق, ۇلتتىق قوردان 2021 جىلعا ارنالعان رەسپۋبليكالىق بيۋدجەتكە 2,7 تريلليون تەڭگە مولشەرىندە كەپىلدەندىرىلگەن ترانسفەرت ۇسىنىلادى.