قر قك اسكەري پوليتسيا باس باسقارماسىنىڭ باسشىسى تاعايىندالدى

پولكوۆنيك مارات نۇرىمبەت – قازاق مەملەكەتتىك زاڭ ينستيتۋتىنىڭ تۇلەگى. ول ۇلتتىق قاۋىپسىزدىك كوميتەتى مەن مەملەكەتتىك كۇزەت قىزمەتى جۇيەسىندە ءتۇرلى باسشىلىق قىزمەتتەر اتقارعان, ونىڭ ىشىندە قارسى بارلاۋ جانە جەدەل-ىزدەستىرۋ شارالارى تەرروريستىك اكتىلەرگە قارسى ءىس-قيمىلدى ۇيىمداستىرۋدا تاجىريبەسى مول. اسكەري پوليتسيا ورگاندارىنا جۇكتەلگەن مىندەتتەردىڭ ماڭىزدىلىعىن ەسكەرە وتىرىپ, قورعانىس ۆەدومستۆوسىنىڭ باسشىسى اسكەري پوليتسيا باس باسقارماسىنىڭ باستىعىن جەكە ءوزى تانىستىردى.

مينيستر اتاپ وتكەندەي, "بۇگىندە قورعانىس ۆەدومستۆوسىندا باسىمدىقتاردىڭ اراسىندا ەكى باعىت بار: ولار سىبايلاس جەمقورلىققا قارسى ءىس-قيمىل جانە قىزمەت قاۋىپسىزدىگىن قامتاماسىز ەتۋ. بۇل مىندەتتەر كوبىنەسە اسكەري پوليتسياعا جۇكتەلگەن".

وتكەن جىلى اسكەري پوليتسيا باس باسقارماسىنىڭ قۇرىلىمىندا ەكى جاڭا باسقارما قۇرىلدى. ولارعا سىبايلاس جەمقورلىققا قارسى ءىس-قيمىل جانە اسكەري قىزمەت قاۋىپسىزدىگىنىڭ جاي-كۇيىن باقىلاۋ جونىندەگى مىندەتتەر جۇكتەلگەن. ءمينيستردىڭ ايتۋىنشا, باسقا كۇشتىك ۆەدومستۆولاردان ايىرماشىلىعى, قارۋلى كۇشتەردە وزىندىك قاۋىپسىزدىك قىزمەتى جوق, بىراق قارۋلى كۇشتەر باسقا مەملەكەتتىك ورگان سياقتى بىرقاتار باقىلاۋشى جانە قاداعالاۋشى قۇرىلىمداردىڭ ءجىتى نازارىندا. بۇل اسكەري قىزمەتشىلەر قاتارىنىڭ ءتارتىپ بۇزباۋىنا جوعارى تالاپتار قويادى.

سىبايلاس جەمقورلىققا قارسى قابىلدانعان شارالار ناتيجەسىندە 2015-2019 جىلدار ارالىعىندا قارۋلى كۇشتەردەگى سىبايلاس جەمقورلىق قاتىستى قىلمىستار سانى ءتورت ەسەگە دەيىن ازايدى. 2019 جىلى بارلىعى 6 سىبايلاس جەمقورلىق قىلمىسىنا جول بەرىلسە, ال 2015 جىلدان باستاپ 2018 جىلعا دەيىن بۇل سان 17-دەن 34-كە دەيىن بولعان.

سونىمەن قاتار, اعىمداعى جىلى مۇنداي قىلمىستاردىڭ وسۋىنە جول بەرىلگەن. 2020 جىلدىڭ جەتى ايىندا سىبايلاس جەمقورلىق قىلمىستار سانى 25-ءتى قۇرادى. الايدا, ولاردىڭ كوپشىلىگى بويىنشا تۇپكىلىكتى پروتسەسسۋالدىق شەشىم قابىلدانعان جوق.

ايتا كەتۋ كەرەك, بۇل قىلمىستاردىڭ سوماسى سالىستىرمالى تۇردە از - نەگىزىنەن 6 مىڭنان 50 مىڭعا دەيىن, 200 مىڭ تەڭگە. بۇل قىلمىستار بيۋدجەت قاراجاتىمەن بايلانىستى بولماعان.

قورعانىس مينيسترلىگىندە قازىرگى ۋاقىتتا كەز كەلگەن قۇقىق بۇزۋشىلىققا نولدىك توزىمدىلىكتى تاربيەلەۋ بويىنشا جۇمىس جۇرگىزىلۋدە. مينيستر 2017 جىلدىڭ قازان ايىنان باستاپ وسى ۋاقىتقا دەيىن اسكەري پوليتسيا باس باسقارماسىنىڭ باستىعى قىزمەتىن اتقارىپ, زەينەتكەرلىككە شىققان پولكوۆنيك باۋىرجان لەكەروۆكە العىسىن ءبىلدىردى.