مەملەكەت باسشىسىنىڭ تاپسىرماسىن ورىنداۋ ماقساتىندا سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆ مينيسترلىكتەردىڭ جاۋاپتى حاتشىلارى مەن "ادالدىق الاڭى" جوبالىق كەڭسەلەرى باسشىلارىنىڭ قاتىسۋىمەن تۇرمىستىق سىبايلاس جەمقورلىقتى جويۋ ماسەلەلەرى بويىنشا كەڭەس وتكىزدى.
كەڭەس جۇمىسىنا ورتالىق مەملەكەتتىك ورگانداردىڭ اۋماقتىق بولىمشەلەرىنىڭ باسشىلارى, اكىمدىكتەردىڭ وكىلدەرى جانە ادەپ جونىندەگى ۋاكىلدەرى قاتىستى.
كەڭەس بارىسىندا ا.شپەكباەۆ 2019 جىلدان باستاپ تۇرمىستىق سىبايلاس جەمقورلىقتى جويۋ, قولايلى جاعدايلار جاساۋ, سونداي-اق مەملەكەتتىك ورگانداردىڭ اشىقتىعى مەن ەسەپتىلىگىن قامتاماسىز ەتۋ جانە سىبايلاس جەمقورلىققا قارسى ءىس-قيمىلدا قوعامدىق باقىلاۋدى كۇشەيتۋ ماقساتىندا اشىلعان "ادالدىق الاڭى" جوبالىق كەڭسەلەرىنىڭ الەۋەتىن ءالسىز پايدالانۋدى اتاپ ءوتتى.
ونىڭ ايتۋىنشا, جوبالىق كەڭسەلەر بيۋدجەت قاراجاتىنىڭ جۇمسالۋىن باقىلاۋعا, سىبايلاس جەمقورلىق تاۋەكەلدەرىن بولدىرماۋعا جانە مەملەكەتتىك قىزمەتتەردى تسيفرلاندىرۋدى جەدەلدەتۋگە, open space جانە فرونت كەڭسەلەرىن ەنگىزۋ ارقىلى مەملەكەتتىك ورگانداردىڭ حالىققا قىزمەت كورسەتۋدىڭ سەرۆيستىك مودەلىنە كوشۋىنە ازاماتتىق قوعامنىڭ كەڭىنەن قاتىسۋىمەن سىبايلاس جەمقورلىققا قارسى باستامالاردىڭ گەنەراتورى بولۋى ءتيىس.
ءوز كەزەگىندە ەلباسى ن.ءا. نازارباەۆتىڭ "سىبايلاس جەمقورلىقتان ادا وڭىرلەر" باستاماسىن ىسكە اسىرۋدىڭ وڭ مىسالى رەتىندە كازگيۋ ۋنيۆەرسيتەتىنىڭ پروۆوستى س.گ. پەن باستاعان "ادال ءبىلىم" ءبىلىم جانە عىلىم مينيسترلىگىنىڭ جوبالىق كەڭسەسىنىڭ تاجىريبەسى اتاپ ءوتىلدى.
ءىس-شارا سوڭىندا قاتىسۋشىلارعا تۇرمىستىق سىبايلاس جەمقورلىقتى جويۋ بويىنشا ازىرلەنىپ جاتقان جول كارتاسىنا ۇسىنىستار ەنگىزۋگە شاقىردى, سونداي-اق سىبايلاس جەمقورلىققا قارسى شارالاردى قابىلداماعانى ءۇشىن جاۋاپكەرشىلىك تۋرالى ەسكەرتىلدى.
ەستەرىڭىزگە سالا كەتەيىك, بۇعان دەيىن مەملەكەت باسشىسى سىبايلاس جەمقورلىقتى ازايتۋ بويىنشا لايىقتى باستامالارى جوق باسشىلار تۋرالى بايانداۋدى تاپسىرعان بولاتىن.