قر ءبىلىم جانە عىلىم ءمينيسترى اسحات ايماعامبەتوۆ قازاقستاندا مۇعالىم قۇقىعىن بۇزاتىن ارەكەتتەرگە بارسا, اتا-انا جاۋاپقا تارتىلاتىنىن ايتتى, دەپ حابارلايدى Egemen.kz.
ءبىلىم جانە عىلىم سالاسىنداعى وقىتۋشىلار مەن جۇمىسشىلاردىڭ رەسپۋبليكالىق تامىز جينالىسىنىڭ پلەنارلىق وتىرىسىندا اسحات ايماعامبەتوۆ بۇعان دەيىن مۇعالىمدەردى شەكتەن تىس جۇكتەمەلەر مەن مەن قاعاز جۇزىندەگى ەسەپتەردەن بوساتۋ تۋرالى بۇيرىققا قول قويعانىن اتاپ ءوتتى.
"مۇعالىم كۇنىنە ەكى-اق قۇجات تولتىرۋ كەرەك, ءبىز ءوز ارىپتەستەرىمىزدى باسقا جۇكتەمەلەردەن بوساتتىق. ال بۇل ءتارتىپتى بۇزعاندار ءۇشىن اكىمشىلىك جاۋاپكەرشىلىك قاراستىرىلعان. ەندى كوللەدجدەردە, ۋنيۆەرسيتەتتەردە, بالاباقشالاردا ەسەپ بەرۋ كۇرت ازايادى. ونداعان بۇيرىقتار جويىلدى جانە بۇل جۇمىس جالعاسادى", - دەدى ءبىلىم ءمينيسترى.
ايماعامبەتوۆ بۇل ەرەجەنى بۇزۋشىلار "اياۋسىز جازالانادى" دەپ باسا ايتتى.
"قىسقا ۋاقىت ىشىندە 30-عا جۋىق باسشى جازالانىپ, اكىمشىلىك نەمەسە تارتىپتىك جاۋاپكەرشىلىككە تارتىلدى. سونداي-اق ءبىز اتا-انالاردى نەمەسە باسقا زاڭدى وكىلدەردى مۇعالىمدەردىڭ قۇقىعىن بۇزعانى ءۇشىن جاۋاپكەرشىلىككە تارتامىز. بۇل جۇمىس جالعاسادى", - دەپ تۇيىندەدى ول.