اقش پرەزيدەنتى دونالد ترامپتىڭ بۇرىنعى كەڭەسشىسى ستيۆ باننون الاياقتىق جاسادى دەپ ايىپتالدى. ستيۆ باننون امەريكا قۇراما شتاتتارى مەن مەكسيكا شەكاراسىندا قابىرعا قۇرىلىسىن قولداۋعا ارنالعان قاراجات جيناۋ ناۋقانىنا قاتىستى اقشا جىمقىردى دەگەن كۇدىككە ءىلىندى, دەپ حابارلايدى Egemen.kz.
باننون فەدەرال پروكۋرورلارى الاياقتىق جاسادى جانە اقشا جىمقىردى دەپ ايىپتالعان ءتورت ادامنىڭ ءبىرى. ولار ء"بىز قابىرعا قۇرىپ جاتىرمىز" ناۋقانىندا جينالعان 25 ميلليون دوللاردىڭ ءبىر بولىگىن جىمقىردى دەپ ايىپتالىپ وتىر.
پروكۋراتۋرا باننون بۇل اقشانىڭ جارتى ميلليوننان استامىن ءوز قاجەتتىلىكتەرىنە جۇمسادى دەپ كۇدىكتەنىپ وتىر. سوت پروتسەسى نيۋ-يوركتەگى مانحەتتەن فەدەرالدى سوتىندا وتەدى.
ستيۆ باننون ترامپتىڭ اپپارات باسشىسى, كەيىننەن اق ۇيدە اعا كەڭەسشى جانە باس ستراتەگ بولدى. ول باسقارماداعى جۇمىسىن 2017 جىلدىڭ تامىزىندا اياقتادى.