جۋىردا بەينەكونفەرەنتسيا رەجىمىندە قازاقستاننىڭ Cاۋدا جانە ينتەگراتسيا ۆيتسە-ءمينيسترى ق.تورەباەۆتىڭ جانە ۋكراينانىڭ ەكونوميكا, ساۋدا جانە اۋىل شارۋاشىلىعىن دامىتۋ ءمينيسترىنىڭ ورىنباسارى ت.كاچكانىڭ تەڭ توراعالىق ەتۋىمەن, سونداي-اق ەكى ەلدىڭ مۇددەلى مەملەكەتتىك ورگاندارى مەن ۇيىمدارىنىڭ قاتىسۋىمەن قازاقستان مەن ۋكراينا اراسىنداعى تاۋار اينالىمىن ۇلعايتۋ جونىندەگى جۇمىس توبىنىڭ 2-وتىرىسى ءوتتى.
وتىرىستا تاراپتار العاشقى وپەراتسيالىق تۇجىرىمداردىڭ ورىندالۋ بارىسى تۋرالى اقپاراتتى تىڭدادى, سونداي-اق ىسكە اسىرىلۋى ءوزارا ساۋدا كولەمىنىڭ ۇلعايۋىنا وڭ اسەر ەتۋى ءتيىس نەگىزگى ءىس-شارالار كورىنىس تاپقان 2-وتىرىستىڭ وپەراتسيالىق قورىتىندىلارى تالقىلاندى جانە كەلىسىلدى.
بۇدان باسقا تاراپتار covid-19 پاندەمياسىنىڭ تاۋارلاردىڭ ەكى جاقتى ساۋداسىنا اسەرى جانە ساۋدا-ەكونوميكالىق ىنتىماقتاستىقتى جانداندىرۋدىڭ ىقتيمال جولدارى ماسەلەلەرىنە ەگجەي-تەگجەيلى توقتالدى, سونداي-اق ونەركاسىپ جانە اۋىل شارۋاشىلىعى, ترانسكاسپي حالىقارالىق كولىك باعىتىن پايدالانا وتىرىپ, جۇكتەردى ترانزيتتىك تاسىمالداۋدى دامىتۋ جانە ەكى جاقتى ساۋدادا ساۋدانى قورعاۋ قۇرالدارىن پايدالانۋ سالاسىنداعى ىنتىماقتاستىقتىڭ پەرسپەكتيۆالارىن تالقىلادى.
2019 جىلدىڭ قورىتىندىسى بويىنشا ەلدەر اراسىنداعى ءوزارا ساۋدا كولەمى 7,4%-عا تومەندەپ, 1,3 ملرد دوللاردى قۇرادى.
2020 جىلدىڭ التى ايىندا قازاقستان مەن ۋكراينا اراسىنداعى ءوزارا ساۋدا 398 ملن دوللاردى قۇرادى, بۇل 2019 جىلدىڭ ۇقساس كەزەڭىنە قاراعاندا 36,7%-عا تومەن (629,1 ملن دوللار). بۇل رەتتە, قازاقستاننان ۋكرايناعا ەكسپورت كولەمى 51,2%-عا تومەندەپ, 225,3 ملن دوللاردى قۇرادى جانە ۋكراينادان يمپورتتىڭ 3,3%-عا (172,7 ملن دوللار) وسكەنى بايقالا- دى.
بۇگىندە قازاقستان وڭدەلگەن تاۋارلاردى ۋكراينا نارىعىنا جەتكىزۋدى ارتتىرۋى مۇمكىن, بۇل مەتاللۋرگيا, مۇناي-حيميا, تاماق, حيميا, ماشينا جاساۋ سالالارى ونىمدەرىنىڭ 70-كە جۋىق ءتۇرى, سونداي-اق جالپى سوماسى 349,5 ملن دوللار بولاتىن قۇرىلىس ماتەريالدارى. اتالعان ءتىزىم ۋكراينا تاراپىنا ديپلوماتيالىق ارنالار ارقىلى جىبەرىلەدى.