«الماتى» تا-نىڭ تىكەلەي ەفيرى كەزىندە قالا اكىمى باقىتجان ساعىنتاەۆ كارانتيندىك شارالاردى جەڭىلدەتۋدىڭ بارىسى جانە شوب كاسىپورىندارى مەن نىساندارىنىڭ جۇمىستارىن قايتا جانداندىرۋ جونىندە اڭگىمەلەدى, - دەپ حابارلايدى Egemen.kz.
شوب سۋبەكتىلەرىنىڭ جۇمىستارىن قايتا جانداندىرۋ infokazakhstan.kz پورتالىندا تىركەلگەن سوڭ كەزەڭ-كەزەڭىمەن جۇزەگە اساتىن بولادى. الماتى قالاسىنىڭ مەملەكەتتىك باس سانيتارلىق دارىگەرىنىڭ قاۋلىسىنا سايكەس مۇنى 24 تامىزعا دەيىن جاساۋ قاجەت. سانيتارلىق-ەپيدەميولوگيالىق ەرەجەلەرمەن تانىسقان سوڭ كاسىپكەرلەر سانيتارلىق نورمالارعا ساي اكت الاتىن بولادى. مۇندا كاسىپكەرلەر نىساننىڭ تولىق جۇمىس جاساۋى جونىندەگى تالاپتى ورىنداۋلارى ءتيىس.
جۇمىستىڭ قايتا باستالعانى تۋرالى حابارلاندىرۋدى بارلىق سۋبەكتىلەردىڭ 90%-ى, ياعني ساۋدا جانە ويىن-ساۋىق ورتالىقتارى, ساۋدا ورتالىقتارى (بۋتيكتەر), بولشەك ساۋدا جەلىلەرى جانە سىيىمدىلىعى 30% جانە جالپى كولەمى 4 شارشى مەتردەن اسپايتىن جابىق بازارلار, سۇلۋلىق سالوندارى, شاشتارازدار, سپا ورتالىقتارى, جالپى كولەمى 4 شارشى مەتر بولاتىن سۇلۋلىق سالوندارى جانە تاعى باسقالارى بەرۋلەرى ءتيىس.
ال, ۆيرۋستىڭ تارالۋ قاۋپى جوعارى قالعان سۋبەكتىلەر جۇمىس كوميسسياسىنىڭ تەكسەرۋىنەن وتەتىن بولادى. ولار – ساۋدا جانە ويىن-ساۋىق ورتالىقتارى, ساۋدا ورتالىقتارى, ساۋدا ۇيلەرى, ساۋدا الاڭى 2000 شارشى مەتردەن استام ازىق-ت ۇلىك ەمەس دۇكەندەر, سونىمەن قاتار قىزمەتكەرلەرى اراسىندا كۆي اۋرۋىنىڭ كورسەتكىشى جوعارى نىساندار.
19 تامىزداعى جاعداي بويىنشا 17698 ءوتىنىش تۇسكەن, ولاردىڭ 14043 (79%) ماقۇلداندى. ونىڭ ۇستىنە كاسىپكەرلەردىڭ باسىم بولىگى (13807) جۇمىستارىن شاقىرۋ ءتارتىبى بويىنشا باستادى. قالعاندارى (236) اۋداندىق اكىمدىكتەر جانىنداعى مونيتورينگتىك توپتار تەكسەرۋ جۇرگىزگەن سوڭ جۇمىستارىن باستايدى. ەگەر بەلگىلى ءبىر سەبەپتەر بويىنشا رۇقسات ەتىلمەسە, وندا كەمشىلىكتەردى تۇزەتىپ, جۇمىستى قايتا باستاۋعا بولادى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.