قازاقستاندىق تورەشىلەر بريگاداسى چەمپيوندار ليگاسىنداعى ازەربايجاندىق "كاراباح" پەن "شەريف" (مولدوۆا) - "فولا" (ليۋكسەمبۋرگ) جۇبىنىڭ جەڭىمپازدى اراسىندا وتەتىن كەزدەسۋگە تورەلىك ەتەدى. بۇل تۋرالى Egemen.kz قازاقستان فۋتبول فەدەراتسياسىنىڭ ءباسپاسوز قىزمەتىنە سىلتەمە جاساپ حابارلايدى.
26 تامىز كۇنى باكۋ قالاسىنداعى "توفيك باحراموۆ" ستاديونىندا وتەتىن كەزدەسۋدىڭ باس تورەشىسى فۋركات اتاجانوۆ. وعان قاپتالدا سەرگەي كالاچەۆ پەن دارحان تۋلەگەنوۆ كومەكتەسەدى. ءتورتىنشى تورەشى گريگوري موسكوۆچەنكو.
ويىن نۇر-سۇلتان ۋاقىتىمەن 22:00-دە باستالادى.