وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ مالىمەتىنشە, اتالعان ديسپانسەردەگى سوڭعى ناۋقاس 12 تامىزدا ەمدەلىپ شىققان, - دەپ حابارلايدى Egemen.kz.
«سوڭعى اپتادا ستاتسيونارعا كوروناۆيرۋس, پنەۆمونيا ينفەكتسياسىمەن ناۋقاستار تۇسكەن جوق. سول سەبەپتەن, 15 تامىزدا پروۆيزورلىق ستاتسيوناردى جابىلدى. ەكى كۇن دەزينفەكتسيا جاسالدى. قازىر دارىگەرلەرىمىزدى ەڭبەك دەمالىسىنا جىبەردىك» دەيدى اتىراۋ وبلىستىق تۋبەركۋلەزگە قارسى كۇرەس ديسپانسەرى ديرەكتورىنىڭ مىندەتىن اتقارۋشى سەرىك ابىشەۆ.
ال, ەمدەۋشى دارىگەردىڭ ءبىرى اسحات ەسمۋرزين تۋبەركۋلەزگە قارسى كۇرەس ديسپانسەرى جانىنداعى پروۆيزورلىق ستاتسيوناردا ناۋرىز ايىنان بەرى جۇمىس ىستەگەن.
«پاندەميا ۋشىعىپ تۇرعان كەزدە تاۋلىگىنە 20-30 ادامعا دەيىن قابىلدادىق. كوبىنەسە, وكپەسى 70-80 پايىزعا دەيىن قابىنعان ناۋقاستار تۇسكەن ەدى. مۇنداي اۋرۋعا شالدىقپاۋ ءۇشىن گيگيەنالىق شارالاردى ساقتاۋ, كوروناۆيرۋس بەلگىلەرى بايقالعان جاعدايدا دەرەۋ دارىگەرگە كورىنۋ قاجەت» دەيدى دارىگەر اسحات ەسمۋرزين.
قازىر وبلىستىق تۋبەركۋلەزگە قارسى كۇرەس ديسپانسەرىندە پاندەميانىڭ ەكىنشى تولقىنىنا دايىندىق باستالعان. مۇندا 25 ورىنعا وتتەگى جەلىسى تارتىلىپ, ءدارى-دارمەك پەن مەديتسينالىق جەكە قورعانىس قۇرالدارىنىڭ قورى جاساقتالىپ جاتىر.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.