سىيىمدىلىعى 1200-2000 مىڭ وقۋشىنى قامتيتىن ءبىلىم نىساندارى مەكتەپتەرىمىزگە تۇسەتىن سالماقتى ازايتۋعا مۇمكىندىك بەرەدى, دەپ جازدى نۇر-سۇلتان قالاسىنىڭ اكىمى التاي كولگىنوۆ ينستاگرام پاراقشاسىندا. بۇل تۋرالى ەلوردا اكىمدىگىنىڭ ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.
"شاعىن مەكتەپتەردەن گورى سىيىمدىلىعى 1200-2000 مىڭ وقۋشىنى قامتيتىن ءبىلىم نىساندارىن سالۋعا كوشىپ جاتىرمىز (ەكى اۋىسىمدا 4 مىڭ ورىنعا دەيىن). بۇل شەشىم مەكتەپتەرىمىزگە تۇسەتىن سالماقتى ازايتۋعا مۇمكىندىك بەرەدى.
بۇگىن ت.رىسقۇلوۆ جانە №36, ە171 كوشەلەرىنىڭ قيىلىسىندا ورنالاسقان وقۋ ورنىنىڭ قۇرىلىسىن كورىپ قايتتىم. بۇل مەكتەپ نىسانىن بيىل پايدالانۋعا بەرۋدى جوسپارلاپ وتىرمىز. وسى جىلى سالىناتىن مەكتەپ سانى – 12. 2021 جىلى تاعى وسىنشا ءبىلىم نىسانى سالىنادى.
مەكتەپ, بالاباقشا, تۇرعىن ءۇي جانە باسقا دا الەۋمەتتىك نىسانداردى سالعان كەزدە ديزاين-كود ەرەجەلەرىن ۇستانامىز. مەملەكەت باسشىسىنىڭ تاپسىرماسىنا سايكەس ستيليستيكالىق تۇرعىدا بىرىڭعاي, جايلى ءارى قاۋىپسىز قالانى قالىپتاستىراتىن ديزاين-كود بەكىتىلدى", دەپ جازدى ا.كولگىنوۆ.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.