جۇمىس باستاۋعا رۇسات بەرىلگەن بيزنەستىڭ بارلىق وبەكتىلەرى 17 تامىزدان باستاپ InfoKazakhstan.kz سايتىندا تالاپ ەتىلگەن سانيتارلىق نورمالارمەن تانىسىپ, مىندەتتى تىركەۋدەن ءوتۋ قاجەت, - دەپ حابارلايدى Egemen.kz اكىمدىكتىڭ رەسمي سايتىنا سىلتەمە جاساپ.
نۇر-سۇلتان قالاسى باس سانيتارلىق دارىگەرىنىڭ 16 تامىزدا جاريالاعان قاۋلىسىنا سايكەس ەلوردادا بيزنەستىڭ جۇمىستى قايتا باستاۋ ءتارتىبى بەلگىلەندى. جۇمىس باستاۋعا رۇسات بەرىلگەن شوب سۋبەكتىلەرىنە InfoKazakhstan.kz سايتى ارقىلى بەرىلەتىن سانيتارلىق نورمالارعا سايكەستىك اكتىسىن الۋ قاجەت.
«اتامەكەن» ۇلتتىق كاسىپكەرلەر پالاتاسى باس سانيتارلىق دارىگەردىڭ قاۋلىسى شىققان كۇنى InfoKazakhstan پلاتفورماسىن ىسكە قوستى. پلاتفورما ارقىلى ءار كاسىپكەر قىزمەتتى جاڭارتۋعا ءوتىنىش بەرە الادى. بۇل پلاتفورما, قۇرمەتتى كاسىپكەرلەر, سىزدەردى كابينەتتەردى ارالاپ, قۇجات جيناۋدان بوساتادى. InfoKazakhstan پلاتفورماسىنا كىرگەن بويدا دەرەكتەرىڭىزدىڭ ءبىر بولىگى (كاسىپورىن اتاۋى, بسن) اۆتوماتتى تۇردە جۇكتەلەتىنى ماڭىزدى, قالعان فورمالاردى تولتىرۋ نەبارى 10-15 مينۋت ۋاقىت الادى. نازار اۋدارىڭىزدار, ازىرگە پلاتفورما سەرۆيسىن دەسكتوپ-نۇسقادا – كومپيۋتەر ارقىلى پايدالانۋعا بولادى, ءموبيلدى نۇسقا ازىرلەنۋ ۇستىندە», – دەپ حابارلادى نۇر-سۇلتان قالاسى وكپ ديرەكتورى المات ءجۇنىسوۆ.
ونىڭ ايتۋىنشا بيزنەستىڭ باسىم بولىگى, شامامەن 90%-ى InfoKazakhstan.kz سايتىندا تىركەلۋ ارقىلى تەكسەرۋسىز, حابارلاندىرۋ تارتىبىندە جۇمىس باستاي الادى.
«وسى رەتتە تەكسەرۋدىڭ بولماۋى جاۋاپكەرشىلىكتەن بوساتپايدى. قوعامدىق باقىلاۋ, كەز كەلگەن تۇتىنۋشى بۇزۋشىلىقتار تۋرالى باقىلاۋشى ورگاندارعا جىبەرە الادى», – دەدى المات ءجۇنىسوۆ.
InfoKazakhstan.kz سايتىندا تىركەلگەن سوڭ بيزنەستىڭ جەكەلەگەن تۇرلەرى سانيتارلىق نورمالارعا سايكەستىككە مىندەتتى تەكسەرۋدەن ءوتۋى كەرەك. ولارعا ساۋدا جانە ويىن-ساۋىق ورتالىقتارى, ازىق-ت ۇلىكتىك ساۋدا بازارلارى, ازىق-ت ۇلىكتىك ەمەس بازارلار, بالالار ساۋىقتىرۋ لاگەرلەرى (مەكتەپ جانىنداعى, قالا سىرتىنداعى) جاتادى.
قىزمەتتى حابارلىندىرۋ تارتىبىندە جاڭارتۋ ءۇشىن:
1-كادام. InfoKazakhstan سايتىنا كىرىپ, نىساندى ەلەكتروندى تسيفرلىق قولتاڭبا ارقىلى تىركەۋ.
2-قادام. باس سانيتارلىق دارىگەردىڭ قاۋلىسىن جۇكتەۋ جانە كاسىبىڭىزگە قويىلعان سانيتارلىق تالاپتارمەن تانىسىپ, ونى ەلەكتروندى تسيفرلىق قولتاڭبا ارقىلى راستاۋ.
3-قادام. جەكە كابينەتتە جانە ەلەكتروندى پوشتادا دايىندىق تۋرالى اكتىسىن الىپ, جۇمىستى باستاۋعا بولادى.
تەكسەرۋگە جاتاتىن شوب سۋبەكتىلەرىنە:
1-قادام. InfoKazakhstan سايتىنا كىرىپ, نىساندى ەلەكتروندى تسيفرلىق قولتاڭبا ارقىلى تىركەپ, باس سانيتارلىق دارىگەر قاۋلىسىن جۇكتەپ, كاسىپ تۇرىنە قويىلعان تالاپتارمەن تانىسۋ قاجەت. تالاپتارمەن مۇقيات تانىسىپ, ەلەكتروندى تسيفرلىق قولتاڭبا ارقىلى راستاۋ قاجەت!
2-قادام. نىساندى سانيتارلىق تالاپتارعا سايكەس دايىنداۋ.
3-قادام. مونيتورينگتىك توپتىڭ تەكسەرۋىنەن ءوتۋ.
4-قادام. ەگەر ءبارى دۇرىس بولسا, سايتتاعى جەكە كابينەتتەن جانە ەلەكتروندى پوشتاعا سانيتارلىق نورمالارعا سايكەستىك اكتىسىن – جۇمىستى قايتا باستاۋعا رۇقساتتى الىپ, جۇمىستى باستاۋ.
ەلەكتروندى رۇقساتتى باسىپ شىعارىپ, قاعاز كوشىرمەسىن كىرەبەرىسكە ءىلىپ قويۋ قاجەت.ەگەر تەكسەرۋ ناتيجەسى تەرىس بولسا, وندا بارلىق ەسكەرتپەلەردى رەتتەپ, ءوتىنىمدى قايتا بەرە الاسىز.
ء«بىز ەلوردا اكىمدىگىنىڭ ينۆەستتسييالار جانە دامۋ جونىندەگى باسقارماسى, تاۋارلار مەن كورسەتىلەتىن قىزمەتتەردىڭ ساپاسىن باقىلاۋ دەپارتامەنتى جانە نۇر-سۇلتان جول پوليتسياسى باسقارماسىمەن نىسانداردى تەكسەرۋ بويىنشا جۇمىستى باستادىق. ءبىز ىلگەرى ءجۇرىپ كەلەمىز, ۇكىمەت جانە جەرگىلىكتى اتقارۋشى ورگاندارمەن بارلىق دەڭگەيدە كۇندەلىكتى كەلىسسوزدەر جۇرگىزىپ جاتىرمىز. بيزنەستىڭ جۇمىس ىستەۋى ەپيدەميولوگيالىق احۋالعا اسەر ەتۋى كۇندەلىكتى ءارى اپتا سايىن باعالاناتىن بولادى. بىزگە ىندەتتىڭ ءورشۋىن بولدىرتپاۋ اسا ماڭىزدى. سىزدەردىڭ, سونداي-اق نىسانعا كەلۋشىلەردىڭ دە جاۋاپكەرشىلىگى اسا ماڭىزدى.
وقىتۋ بەينەروليكتەر, جادنامالار ازىرلەندى, «اتامەكەن» ۇكپ 1432 بايلانىس ورتالىعى بازاسىندا تەحنيكالىق قولداۋ كورسەتۋ قىزمەتى ىسكە قوسىلعان. سىزدەردى باسقا دا كاسىپكەرلەردى اقپاراتتاندىرۋعا شاقىرامىز.
سونىمەن قاتار ءبىز ەلەكتروندى تسيفرلىق قولتاڭبانى الۋعا كومەكتەسەمىز, بۇل باعىتتا Iqala قالالىق قىزمەتتەر كورسەتۋ ورتالىقتارى بازاسىندا, مومىشقلى 2/11 ءجان قوشقارباەۆ داڭعىلى, 29 مەكەن-جايىندا ورنالاسقان كاسىپكەرلەرگە قىزمەت كورسەتۋ ورتالىقتارىنداعى كەڭەسشىلەر كومەك بەرۋگە دايىن. بۇل باقىتتا جۇمىلعان جۇمىس اتقارامىز دەگەن ويدامىز», – دەپ اتاپ ءوتتى نۇر-سۇلتان وكپ ديرەكتورى.