ساپار بارىسىندا ءوڭىر باسشىسى جول جوندەۋ جۇمىستارىمەن تانىسىپ, مادەني-سپورت كەشەنىنىڭ قۇرىلىسىمەن, مەكتەپتىڭ قايتا جوندەۋ جانە جەرگىلىكتى شارۋا قوجالىقتارىنىڭ جۇمىستارىمەن تانىستى. بۇل تۋرالى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ حابارلايدى.
جۇمىس ساپارى ۇلكەن شاعان-پەرەمەتنىي اۆتوجولىنىڭ 10 شاقىرىمىنا كۇردەلى جوندەۋ جۇمىستارىن جۇرگىزۋدەن باستالدى. جوبا قۇنى 445 ملن. تەڭگەنى قۇرادى. 32-دەن 42 كم-گە دەيىنگى جول ۋچاسكەسىن وسى جىلدىڭ جەلتوقسان ايىندا تاپسىرۋ جوسپارلانۋدا.
"جۇمىسپەن قامتۋدىڭ جول كارتاسى" باعدارلاماسى اياسىندا قۇنى 187 ملن.تەڭگەنi قۇرايتىن زەلەنوۆ جوببم عيماراتىن قايتا جاڭارتۋ جۇمىستارى جۇرگىزىلۋدە. جوبادا 37 ادام جۇمىس جاسايدى. مەكتەپ وقۋ جىلى باستالعانعا دەيىن ءوز ەسiگiن قايتا اشادى. بايتەرەك اۋدانىندا جقجك بويىنشا جالپى سوماسى 2,41 ملرد. تەڭگەگە 8 جوبا جۇزەگە اسىرىلۋدا. نىساندارداعى جۇمىستاردا 487 ادام جۇمىس جاسايدى, سونىڭ ىشىندە 208 ادام جۇمىسپەن قامتۋ ورتالىعى ارقىلى تارتىلدى.
عالي ەسقاليەۆ اۋداندىق شارۋا قوجالىقتارىنىڭ جۇمىسىمەن تانىستى. 2020 جىلى "پەرمسكي" جشس ەگىستىك الاڭى 6141 گا قۇرادى, ونىڭ ىشىندە 1000 گا كۇزدىك بيداي مەن جازدىق بيداي, 500 گا ارپا, 400 گا تارى, 1600 گا كۇنباعىستىڭ باسقا داقىلداردى قۇرايدى. بيىلعى جىلى "ايدوس" شق – نىڭ ەگىس القابى 500 گا, مۇندا مال شارۋاشىلىعىمەن اينالىسادى. شارۋاشىلىقتا قازاقتىڭ اقباس تۇقىمدى 180-نەن استام ءىرى قارا مال باسى بار.
ءوڭىر باسشىسى سىيىمدىلىعى 150 ادام بولاتىن "اسان-اۋىل" مادەني-سپورت كەشەنىنىڭ قۇرىلىسىمەن تانىستى. قۇنى 120 ملن.تەڭگە بولاتىن نىسان جەكە ينۆەستيتسيالار ەسەبىنەن ىسكە اسىرىلادى جانە وسى جىلدىڭ قىركۇيەك ايىندا تاپسىرۋ جوسپارلانۋدا.