"قازگيدرومەت" رمق 13 تامىزعا ارنالعان اۋا رايى بولجامىن جاريالادى, - دەپ حابارلايدى Egemen.kz.
سينوپتيكتەردىڭ حابارلاۋىنشا, بەيسەنبىدە, سولتۇستىك شىعىستا كۇن كۇركىرەپ, نايزاعاي وينايدى, سونىمەن بىرگە نوسەر جاڭبىر جاۋادى, بۇرشاق ءتۇسۋى ىقتيمال.
سونداي-اق رەسپۋبليكانىڭ كەي جەرلەرىندە جەل كۇشەيەدى, وڭتۇستىكتە جانە وڭتۇستىك باتىستا شاڭدى داۋىل تۇرادى, سولتۇستىك باتىستا – تۇمان.
قاراعاندى, پاۆلودار, اقمولا وبلىستارىنىڭ كەي جەرلەرىندە تۇمان تۇسەدى, داۋىل, جەلدىڭ جىلدامدىعى 15-20 م/س, بۇرشاق جاۋى مۇمكىن.
اتىراۋ, باتىس قازاقستان وبلىستارىنىڭ كۇندىز كەي جەرلەرىندە جەل 15-20 م/س كۇشەيەدى, بۇرشاق جاۋى ىقتيمال, اتىراۋ وبلىسىنىڭ كۇندىز كەي جەرلەرىندە شاڭدى داۋىل تۇرادى.
جامبىل, كۇندىز الماتى, تۇندە جانە تاڭەرتەڭ تۇركىستان وبلىستارىنىڭ كەي جەرلەرىندە جەل تۇرادى, جىلدامدىعى - 15-20 م/س.
قوستاناي, سولتۇستىك قازاقستان وبلىستارىنىڭ كەي جەرلەرىندە تۇمان, جەلدىڭ كۇشەيۋى 15-20 م/س كۇتىلەدى.
شىعىس قازاقستان وبلىسىنىڭ كەي جەرلەرىندە جەل تۇرادى, جىلدامدىعى 15-20 م/س جەتەدى, كۇندىز بۇرشاق جاۋى ىقتيمال.
قىزىلوردا, تۇركىستان وبلىستارىنىڭ باسىم بولىگىندە, جامبىل, الماتى, اتىراۋ وبلىستارىنىڭ كەي جەرلەرىندە, قاراعاندى وبلىسىنىڭ وڭتۇستىگىندە, اقتوبە وبلىسىنىڭ وڭتۇستىك-شىعىسىندا توتەنشە ءورت قاۋپى ساقتالادى.