قازاقستاندىق ءۇش كوماندا جوعارى حوككەي ليگاسىنىڭ بيىلعى ماۋسىمىنا قاتىسپايدى. مۇنداي شەشىمدى قازاقستان حوككەي فەدەراتسياسى مالىمدەدى, - دەپ حابارلايدى Egemen.kz Olympic.kz-كە سىلتەمە جاساپ.
اتاپ ايتار بولساق, «سارىارقا» (قاراعاندى), «تورپەدو» (وسكەمەن) جانە «نوماد» (نۇر-سۇلتان) جحل-دىڭ 2020/2021 جىلعى ماۋسىمىنان سىرت قالادى.
فەدەراتسيانىڭ مۇنداي قادامعا بارۋىنا الەمدەگى ەپيدەميولوگيالىق احۋالدىڭ تۇراقسىزدىعى, كوروناۆيرس ينفەكتسياسىنىڭ تارالۋى جانە مەملەكەتتىك شەكارالاردان ءوتۋ كەزىندەگى قيىندىقتار سەبەپ بولعان.
بۇل ماۋسىمدى كوماندالار قازاقستان چەمپيوناتىندا وتكىزەدى. ءوز كەزەگىندە رەسەي حوككەي فەدەراتسياسى ارىپتەستەرىنىڭ بۇل شەشىمىنە تۇسىنىستىكپەن قارايتىنىن جەتكىزدى.