تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى قاشىقتان ءبىلىم بەرۋدى قولداۋ ماقساتىندا ۇيالى بايلانىس وپەراتورلارىمەن بىرلەسىپ, مەكتەپ وقۋشىلارى مەن ستۋدەنتتەرگە جانە مۇعالىمدەرگە ارنالعان ارنايى تاريفتىك جوسپار شىعارۋ ماسەلەسىن پىسىقتادى.
ۆەدومستۆو باسشىسىنىڭ مىندەتىن اتقارۋشى باعدات ءمۋسيننىڭ ايتۋىنشا, تاريفتىك جوسپاردا وتاندىق بەينە-كونفەرەنتس بايلانىس جۇيەسىن قوسا العاندا, ءبىلىم جانە عىلىم مينيسترلىگى ماقۇلداعان وتاندىق 380 ءبىلىم بەرۋ رەسۋرسىن شەكتەۋسىز پايدالانۋ قاراستىرىلعان.
ء«بىلىم» تاريفتىك جوسپارىنىڭ ابونەنتتىك تولەمى ايىنا – 990 تەڭگە. بۇل تاريفتىك جوسپاردى 20 تامىزدان كەيىن قولدانۋعا بولادى. جاڭا تاريفتىك جوسپارعا قوسىلۋ شارتتارى قازىر ءبىلىم جانە عىلىم مينيسترلىگىمەن پىسىقتالۋدا. سونداي-اق بايلانىس وپەراتورلارى 1 گب ينتەرنەت ترافيگىن قوسىمشا ۇسىنادى», دەدى باعدات مۋسين.
بۇل ءىس-شارا تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى, ءبىلىم جانە عىلىم مينيسترلىگى مەن بايلانىس وپەراتورلارى اراسىندا قازاقستاندىقتاردىڭ ءبىلىم بەرۋ رەسۋرستارىنا شەكتەۋسىز قوسىلۋ جونىندەگى ىنتىماقتاستىق مەموراندۋمىن قابىلداۋ ناتيجەسىندە جۇزەگە اسىرىلعانىن ايتىپ وتكەن ءجون. بۇدان وزگە مينيسترلىك تىركەلگەن بايلانىس وپەراتورلارىمەن بىرگە ءتيىستى تالداۋ جۇرگىزىپ, وپەراتورلاردىڭ مەكتەپتەردەگى ينتەرنەت جىلدامدىعىن 8 مبيت/سەك دەيىن قوسۋ/ارتتىرۋ مۇمكىندىكتەرىن انىقتادى. وسى بويىنشا ءتيىستى اقپارات جەرگىلىكتى اكىمدىكتەرگە جولداندى. جەرگىلىكتى اكىمدىكتەر مەكتەپتەردى ينتەرنەتپەن قامتۋ بويىنشا جۇمىس جۇرگىزۋى كەرەك.