وسىدان ءدال 41 جىل بۇرىن, ياعني 1979 جىلدىڭ 11 تامىزىندا اۋەدە قوس بىردەي "تۋ-134ا" ۇشاقتارى سوقتىعىسىپ, بورتتاعى 174 جولداۋشىنىڭ بارلىعى دا قايتىس بولدى, - دەپ حابارلايدى Egemen.kz.
سول ۇشاقتىڭ بىرىندە تاشكەنتتىڭ "پاحتاكور" فۋتبول كلۋبىنىڭ 17 ويىنشىسى بولدى. كسرو چەمپيوناتىنىڭ كەزەكتى تۋرىندا "ديناموعا" قارسى ويناۋ ءۇشىن وزبەكستاندىق كوماندا مينسكىگە اتتانىپ بارا جاتقان ەدى. الايدا 8 400 مەترلىك بيىكتىكتە چەليابى-كيشينەۆكە باعىتىنداعى تاعى ءبىر ۇشاقپەن سوقتىعىستى. بورتتاعى جولاۋشىلاردىڭ بارلىعىنىڭ دا و دۇنيەگە اتتاندى. ۇشاقتىڭ قاڭقاسى مەن قازا بولعان ادامداردىڭ بولشەكتەرى ۋكراينانىڭ دنەپرودزەرجينسك قالاسىنىڭ ماڭىنان تابىلدى. سول وقيعا جايىندا كسرو باسشىلارى قانشا جەردەن ءتىس جارماۋعا تالپىنعانىمەن, شىندىقتى جاسىرىپ قالۋ مۇمكىن بولمادى. قارالى حابار تورتكۇل دۇنيەگە تەز تارادى. ويتكەنى, بۇل الەمدەگى ەڭ ءىرى اۋە اپاتتارىنىڭ ءبىرى ەدى.
كوپ ۇزاماي تەكسەرۋ جۇمىستارىنىڭ قورىتىندىسى جاريالاندى. بۇل جەردە ديسپەتچەرلەردەن قاتە كەتكەن ەكەن. سولاردىڭ اعاتتىعى ورنى تولماس قاسىرەتكە اكەپ سوقتىردى. قايتىس بولعان فۋتبولشىلاردىڭ كوبى تاشكەنتتەگى بوتكين زيراتىندا جەرلەندى. كەيبىرىنىڭ دەنەسى ءوز وتانىندا جەر قويناۋىنا تاپسىرىلدى.