راديوەلەكترونيكا جانە بايلانىس اسكەري-ينجەنەرلىك ينستيتۋت قابىرعاسىندا اباي كۇنىنە وراي ۇيىمداستىرىلعان ادەبي-شىعارماشىلىق ساعات اياسىندا بولاشاق اسكەريلەر حاكىمنىڭ ولەڭدەر جيناعى, قارا سوزدەرىنەن جيناقتالعان مىڭ بەس جۇزدەن استام ادەبي مۇراسىمەن تانىستى, - دەپ حابارلايدى Egemen.kz.
بولاشاق وفيتسەرلەردى اباي مۇراسىنا ورتاقتاستىرۋ, ايگىلى اقىننىڭ يدەياسىن كەڭ ناسيحاتتاۋعا ارنالعان ادەبي-شىعارماشىلىق ساعاتتا وقۋ ورنىنىڭ باستىعى گەنەرال-مايور اسقار مۇستابەكوۆ اباي قۇنانباەۆ مۇراسىنىڭ ەرەكشە ماڭىزدىلىعىنا توقتالىپ, اقىن ەڭبەكتەرىنىڭ الەم ادەبيەتىنىڭ شوقتىعى بيىك تۋىندىلارىمەن قاتار تۇرعانىن, ونى كەڭىنەن ناسيحاتتاۋ – يگىلىكتى ءىس, كەلەر ۇرپاققا ارتىلار زور امانات ەكەنىن اتاپ ءوتتى.
رەجباي ءباسپاسوز قىزمەتىنىڭ اقپارىنشا, كۋرسانتتار اباي ولەڭدەرى مەن قارا سوزدەرىن قازاق, ورىس, اعىلشىن تىلدەرىندە جاتقا وقىپ, شىعارماشىلىعىن تالدادى. اسكەريلەر وتكىزگەن ادەبي كەشتە دومبىرامەن ءان-كۇي شىرقالىپ, ۇلى تۇلعاعا ارناعان ولەڭ جولدارى وقىلدى.
"اباي ولەڭدەرى تەرەڭ ويعا جەتەلەيدى, اينالاڭا باسقاشا كوزقاراسپەن قاراۋعا ۇيرەتەدى. ۇلى ويشىلدىڭ ايتقان ءاربىر ءسوزى ءدوپ باسىپ ايتىلعان, وسى كۇندە دە وزەكتىلىگىن جوعالتپاعان", - دەيدى كۋرسانتتار. اسكەريلەر ەل پرەزيدەنتى ق.توقاەۆتىڭ ابايدىڭ 175 جىلدىعىن تويلاۋ تۋرالى باستاماسىن كەڭىنەن قولداپ, ءتۇرلى شارالارعا اتسالىسىپ كەلەدى. جىل باسىنان بەرى اسكەري وقۋ ورىنىنىڭ كوركەم ادەبيەت كىتاپحاناسىندا «اباي مۇراسى» اتتى كورمە جۇمىس ىستەپ تۇر.