پوليتسيا قىزمەتكەرلەرى قۇنى 70 000 تەڭگە تۇراتىن "درايۆ 621" ماركالى ۆەلوسيپەدتى جاسىرىن ۇرلاپ كەتكەن 27 جاستاعى ەلوردا تۇرعىنىن ۇستادى. بۇل تۋرالى نۇر-سۇلتان قالالىق پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.
يەسىنىڭ ايتۋىنشا, ول ۆەلوسيپەدتى كۇندىز تۇرعىن ءۇيدىڭ كىرەبەرىسىندە قالدىرعان. پاتەردەن ءبىر جارىم ساعات وتكەن سوڭ, ونىڭ ەكى دوڭعالاقتى كولىگى ۇرلانعانىن كوردى.پوليتسيا انىقتاعانداي, ۇرلىقتى كورشىسى جاساعان. قاراۋسىز قالعان ۆەلوسيپەدتى كورىپ, ونى پاتەرىنە اپاردى.ۇستالعان ازامات بۇرىن توناۋ مەن ۇرلىق جاساعانى ءۇشىن سوتتالعان. ۇرلانعان ۆەلوسيپەد تاركىلەنىپ, يەسىنە قايتارىلدى.ۇرلىق فاكتىسى بويىنشا قر قك 188-بابى "ۇرلىق" بويىنشا قىلمىستىق ءىس قوزعالدى. نۇر-سۇلتان قالاسىنىڭ پوليتسيا دەپارتامەنتى جازعى ماۋسىمدا ۆەلوسيپەد ۇرلىعىنىڭ جيىلەپ كەتكەندىگى تۋرالى ەسكەرتەدى. ۆەلوسيپەد ساتىپ العاندا, يەلەردىڭ ارقايسىسى ولاردى قاۋىپسىز ساقتاۋ شارالارىن قامتاماسىز ەتۋى كەرەك. سونىمەن, ۆەلوسيپەدتەن شىققان كەزدە قاۋىپسىز ق ۇلىپتى پايدالانۋدى ۇمىتپاڭىز جانە مۇمكىن بولسا, كوشە كامەرالارى قارايتىن جەرلەردى تاڭداڭىز.