جىل باسىنان بەرى اقتوبە وبلىسىندا وتباسى-تۇرمىستىق قاتىناستار سالاسىندا جاسالعان قىلمىستىق قۇقىق بۇزۋشىلىقتار 29,6%-عا (27-دەن 19-عا دەيىن) تومەندەگەن, – دەپ حابارلايدى Egemen.kz Polisia.kz سايتىنا سىلتەمە جاساپ.
تۇرمىستىق زورلىق-زومبىلىقتىڭ الدىن الۋ شارالارىنىڭ ءبىرى - قورعاۋ نۇسقامالارىن شىعارۋ جانە قۇقىق بۇزۋشىنىڭ مىنەز-قۇلقىنا ەرەكشە تالاپتار قويۋ. پوليتسيا تۇرمىستىق زورلىق-زومبىلىقتىڭ الدىن الۋ بويىنشا باقىلاۋدىڭ جاڭا ادىستەرىن ازىرلەدى, ولاردىڭ كومەگىمەن ەسەپتە تۇرعان ادامدار مەن تۇرمىستىق زورلىق-زومبىلىق جاساۋعا بەيىم ادامدار بەينە قوڭىراۋلار ارقىلى قاشىقتىقتان تەكسەرىلەدى.
جەتى اي ىشىندە ۋچاسكەلىك پوليتسيا ينسپەكتورلارى 2787 قورعاۋ نۇسقامالارىن شىعاردى, سوتتار قۇقىق بۇزۋشىلاردىڭ مىنەز-قۇلقىنا 774 ەرەكشە تالاپ قويدى, ونىڭ ىشىندە 576 قۇقىق بۇزۋشىعا قاتىستى الكوگولدىك ىشىمدىكتەردى پايدالانۋعا تىيىم سالىندى.
پد جەرگىلىكتى پوليتسيا قىزمەتى باسقارماسىنىڭ باستىعى اردانا سايماعامبەتوۆتىڭ ايتۋىنشا, اقبتك-ءنىڭ 73-بابى بويىنشا “وتباسىلىق-تۇرمىستىق قاتىناستار سالاسىنداعى قۇقىققا قارسى ارەكەتتەرى ءۇشىن” 1105 وتباسىلىق جانجال تۋدىرۋشى اكىمشىلىك جاۋاپكەرشىلىككە تارتىلدى. ول سونداي-اق كارانتين كەزىندە تۇرمىستىق زورلىق-زومبىلىق فاكتىلەرى بويىنشا بارلىق سىن-قاتەرلەر 100%-عا وڭدەلگەنىن, ال قاجەت بولعان جاعدايدا زارداپ شەككەندەر داعدارىس ورتالىقتارىنا ورنالاستىرىلعانىن اتاپ ءوتتى.