Twitter الەۋمەتتىك جەلىسى كوروناۆيرۋس تۋرالى جالعان مالىمدەمەلەرى بار بەينەگە بايلانىستى اقش پرەزيدەنتى دونالد ترامپتىڭ سايلاۋالدى كامپانياسىنىڭ اككاۋنتىن ۋاقىتشا بۇعاتتادى, - دەپ حابارلايدى Egemen.kz
بۇعان دەيىن كوروناۆيرۋس تۋرالى جالعان اقپاراتتى تاراتۋمەن كۇرەسۋدى جانە جالعان مازمۇندى جويۋدى شەشكەن Facebook بۇل بەينەنى ترامپتىڭ پاراقشاسىنان ءوشىرىپ تاستادى. ۆيدەودا اقش باسشىسىنىڭ Fox News تەلەارناسىنا بەرگەن سۇحباتىنىڭ ءۇزىندىسى بار. سۇحباتتا ترامپ بالالاردىڭ "COVID-19-عا قارسى يممۋنيتەتى بار" دەپ مالىمدەدى.
Twitter وكىلى بۇل بەينە "Twitter-ءدىڭ COVID-19 تۋرالى جالعان اقپارات ەرەجەلەرىن بۇزادى" دەپ مالىمدەدى. اككاۋنت يەسى ءتۆيتتى ءوشىرۋى كەرەك, سودان كەيىن عانا ول حابارلامالاردى قايتا جاريالاي الادى.