كەشە اقش-تىڭ سپاركس قالاسىندا مەكتەپ وقۋشىسى ءوزىنىڭ ماتەماتيكا پانىنەن بەرەتىن مۇعالىمىن اتىپ ءولتىردى. بۇل تۋرالى يتار-تاسس حابارلادى.
«وقۋشى مۇعالىمگە وق اتقاننان كەيىن, ءوزىن دە اتىپ ءولتىردى. وقيعا سالدارىنان مەكتەپتىڭ ەكى وقۋشىسى جاراقات الدى», – دەپ مالىمدەدى سپاركس مەرياسىنىڭ وكىلى شون كەري.
وقيعانىڭ نە سەبەپتەن بولعانى ازىرگە بەلگىسىز. تەرگەۋ امالدارى ءجۇرىپ جاتىر. پوليتسيا مۇعالىمگە وق اتقان وقۋشىنىڭ تۋىستارى مەن دوستارىنان, مەكتەپ وقۋشىلارى مەن وقىتۋشىلارىنان جاۋاپ الۋدا.
بەلگىلى بولعانداي, وقۋشى ساباققا قارۋ الىپ كىرگەن. ونى كورگەن مۇعالىم وقۋشىدان وزىنە جانە اينالاسىنداعىلارعا قاۋىپ توندىرمەۋ ءۇشىن قارۋدى بەرۋىن وتىنگەن. ال وقۋشى مۇعالىمنىڭ ءوتىنىشىن ورىنداۋدىڭ ورنىنا, وعان بىرنەشە رەت وق اتقان ەكەن.
ايدار ورىسباەۆ.