مەملەكەت باسشىسى قاسىم-جومارت توقاەۆ قىرعىزستان باسشىسى سوورونباي جەەنبەكوۆكە جانە قىرعىز حالقىنىڭ "ۇلتتىق ازا تۇتۋ كۇنىنە" بايلانىستى كوروناۆيرۋس قۇرباندارىن ەسكە الىپ, جاقىندارىنان ايىرىلعان وتباسىلارعا كوڭىل ايتتى. بۇل تۋرالى قىرعىزستان پرەزيدەنتىنىڭ ءباسپاسوز قىزمەتى حابارلايدى, دەپ جازادى Egemen.kz
مەملەكەت باسشىسى ءوز حابارلاماسىندا, قازاقستان حالقىنىڭ جانە جەكە ءوز اتىنان "ۇلتتىق ازا تۇتۋ كۇنىنە" بايلانىستى كوروناۆيرۋستىق ينفەكتسيانىڭ قۇربانى بولعان باۋىرلاس قىرعىز ازاماتتارىن ەسكە الىپ, شىنايى قولداۋ ءبىلدىردى. وسىنداي قيىن ساعاتتا ورنى تولماس قايعى-قاسىرەتپەن بولىسە وتىرىپ, مەزگىلسىز كەتكەندەردىڭ تۋىستارى مەن جاقىندارىنا كوڭىل ايتتى. ىندەتكە قارسى تۇرىپ, كۇرەسكەندەردىڭ بارلىعىنا تەزىرەك ساۋىعىپ كەتۋلەرىن تىلەيتىنىن اتاپ ءوتتى.
سونداي-اق پرەزيدەنت قاسىم-جومارت توقاەۆ قابىلدانعان باتىل شارالار, قىرعىز اعايىنداردىڭ بىرلىگى مەن تۇتاستىعىنىڭ ارقاسىندا ەلدەگى ەپيدەميالىق جاعدايدى تۇراقتاندىرۋعا مۇمكىندىك بەرەتىنىنە سەنىمىن ءبىلدىردى. وسى ورايدا ەلىمىز كورشىلەس رەسپۋبليكاعا قولدان كەلگەنشە كومەك كورسەتۋگە دايىن ەكەنىنە سەندىردى.
ەسكە سالا كەتەيىك, كەشە قىرعىز رەسپۋبليكاسىنىڭ پرەزيدەنتى سوورونباي جەەنبەكوۆ 30 شىلدە – "ۇلتتىق ازا تۇتۋ كۇنى" بولاتىنىن مالىمدەدى.